總算完成!!
至今成十月先至完成今年第一隻成品, 真係愧對江東父老~~~
睇返自己個blog, 呢隻由8月中開波起都砌了個半月. 期間自己亦有搞隻炮吉複件, 所以以我之龜速來說, 已經算係幾快手了.... 當然, 力抗一眾"超可動"高手毒攻
, 一於唔改玩其OOB先至係個中原因
.
好了, 去片!! (Sorry....相影得不好&太暗~~ 冇計啦!! 趕住同小隊長報到嘛
....)
上次講到手持武器時賣o既關子, 今次揭曉--- 登...登.... 係流星鎚!!
槍呀, 炮呀, 常常有得砌, 唯獨是RX-78的流星鎚係佢專用獨門武器. 一開始我就想砌佢. 加上今次揀呢個color scheme係源自PS2的"自護對聯邦", 而我打呢個game時用RX-78就最愛拎流星鎚. 等閒角色吃兩記此鎚就立即完蛋!! 痛快呀
!!~~
近睇就見我各處"撻Q"位
: 1. 角磨得唔夠尖. 2. 眼筆塗上銀色後再上透明橙, 隻橙調得太深及銀底反滲返上面, 致雙眼太暗.
除o左幾個必需的自護徽號外, 全身只貼上少量水貼. 一來係慳返唔少功夫(呵呵
~~), 二來呢隻係虜獲機, 理應唔會花咁多功夫去如原廠生產般油上咁多警示吧.
輕度舊化的盾.
小腿後側原本令人眼火爆的凹位夾口
(砌過的朋友一定知), 我當然無視之二話不說一"pat"兩"pat"AA膠加爽身粉填平佢就算數啦
~~~
手是來自HG Hazel, 鋸開指縫追加刻線後就ok, 尤其係隻原本持劍右手幾合用.
流星鎚特寫. 上次在ws見島主兄用鉛筆輕點出舊化, 我又偷到師用在個流星鎚上了....hehe
....
之前有次在回應小鯊的blog中都有提過, 小弟自小學時(80年代初, 真係差不多三十週年
....)在樓下屋邨書局買過及砌過一隻300yen全白色的高達外, 至今都未完成過任何一隻高達~~~
所以話呢, 高達迷唔一定迷高達....
好了, 各路英雄, 11月8日城大見啦
!!
(Empty)
回覆刪除[版主回覆10/11/2009 00:51:00]THX!! 你隻迷彩巾都要努力呀
又多一位團友起貨! 隻色好得喎! 加埋用流星鎚做住力武器真係好諗頭... 你嗰D撻Q位小問題啦, 我嗰D真係會笑死你哋...
回覆刪除[版主回覆10/11/2009 01:00:00]係佢地班大哥隻隻改到曉飛咁至會俾我oob爬晒頭o者.... 隻色夠簡單吖嘛.... 原色紅白藍黃都幾多功夫. 係我懶至會揀個流星鎚砌, 而唔成set武器砌齊 . 我鍾意講o下自己撻Q位, 等高手們指點o下都好嘛
正! 波波都起貨啦! 色好正, 下面哩張好有氣勢! 眼在上面加多層咪得law, 我有建議你哩隻色如果用紅色眼好搶!! 再加惡人feel ! 睇下你鐘唔鐘意啦.
回覆刪除[版主回覆10/11/2009 02:00:00]島主兄你篇"超可動劇場"至係睇到我O晒咀呀 !! 紅色眼? cross埋 Blue destiny? 暴走巾好得人驚喎~~ 呢隻唔再搞佢了, 手塗我好驚失手呢.... 尤得佢眼黑黑算了....家陣如果正面睇對眼個銀底有少少反光的話都仲算ok, 不過上面的相角度問題睇唔到呢個效果. 昨日ya大來電提起月曆單o野, 我想搞埋隻炮吉來出月曆呀, 真係冇得停呢.... 你隻狙吉呢? 開工未??
好靚仔呀！點算！又多個起貨，真係不能怠慢！
回覆刪除[版主回覆10/11/2009 02:02:00]thx!! 有好多brother的好o野仲未出場呢 ~~
「唯獨是 RX-78 的流星鎚係佢專用獨門武器」，這句話很有見地，下次砌巾（多數是 MG 2.0）一定用佢！
回覆刪除[版主回覆10/11/2009 11:07:00]流星鎚係有種"老"巾迷至明o既魅力~~
Oh............one more finished! I just received the model only...........orz!!
回覆刪除[版主回覆10/11/2009 11:10:00]Arr.... only one month left.... but if you start building now and do not alter much, you should be able to meet the deadline!! Add Oil!!
隻色水好靚
回覆刪除I like it!!
[版主回覆10/11/2009 11:08:00]thx!!
光影很柔和自然,
回覆刪除甩青可再大膽一些.
[版主回覆10/11/2009 11:15:00]Thx!! 主體冇做甩青, 只係稍稍乾掃. 下次一定再試下玩盡d
今次製作時間把握得唔錯....
回覆刪除手法直接兼自然....
[版主回覆10/11/2009 11:24:00]thx!! 今次製作係第一趟去ws噴油, 比在家中噴有效率, 可以較快手搞掂. 上色方面都係老方法--> 上主色, 落陰影及高光.
I don't think I can match with the Nov deadline already. I will try to finish it before Jan one............the final one!!
回覆刪除[版主回覆10/11/2009 18:44:00]Let's wait and see your G30th in Jan!!
乾淨利落, 波哥果然好波~
回覆刪除[版主回覆10/11/2009 18:45:00]算係穩穩陣陣完成一巾啦~~~
嘩! 噴功一流啊! 下次上WS你要教下我啊!!!
回覆刪除[版主回覆10/11/2009 18:49:00]我d噴功?? 吹水時噴口水就一流 !! 教你吹水真係幾時都得啦.
正嘢！流星鎚真係比軟少人用黎做武器！
回覆刪除[版主回覆10/11/2009 18:57:00]thx!! 小弟"畢嬲"都要靠標奇立異 .... 講基本功又點夠你地蒞呀
真係每個人砌既巾，都有自已既風格！既隻巾第一個感覺比到我一種黑暗既感覺，好特別，佢明顯係巾黎架啦，但你唔會覺得佢係友善既巾，波記既手工好，就唔洗多講，最好野就係噴到隻巾，有呢種feel先至勁！我反而覺得，唔雖要有舊化，做少少乾掃，已經足夠了，波記，到時我地兩隻自護巾，一定要企埋影張相先得！
回覆刪除[版主回覆10/11/2009 19:32:00]hehe...我都冇話刻意要做暗黑feel架, 俾到Kent哥呢個感覺真係有d驚喜. 色調真係會好影響作品觀感, 呢點真係值得研究o下~~~ 兩隻自護巾合照就梗係走唔甩啦 !!
等我遲下影相果陣渣返支菠蘿冰先
回覆刪除[版主回覆10/11/2009 21:42:00]你講你呢支"菠蘿冰"? 係喎, 唔記得呢支都係RX-78獨門武器.... 下次一定要出張成品look look啊!!
起貨 la wor~恭喜！ 而我仲未知我想整乜...
回覆刪除[版主回覆10/11/2009 22:17:00]thx!! 你咁快手, 實趕得徹o既
好靚靚！唔知到家下為止有幾多個blog友完左工呢！真係要快手d先得la
回覆刪除[版主回覆10/12/2009 20:29:00]想知各blog友進度? 梗係要留意JKL小隊長好勤力update的: 參與「高達30週年無國界小隊」BLOG友名單及進度 家陣都有十幾友完成了, 搵兄要加多兩鞭呀 !!
又一位大佬搞掂, 而我只係"pak"緊....
回覆刪除[版主回覆10/12/2009 20:30:00]唔玩大改的話, 一個月時間足夠啦.
波哥真係可以忍到手喎!!!睇落一d都唔差喎
回覆刪除[版主回覆10/12/2009 20:32:00]係隻30巾笨大出得好o者 ~~ kaku兄有冇入返隻呀?? 唔砌用來參考下都好o既.
你都手快喇, 哩隻出O左兩個月咋嘛! 我買第一隻始祖年代高達已經係中二, 老過你少少! 嘻嘻!
回覆刪除如隻眼打銀底(樹脂油)之後, 用Mr Color透明水油, 等佢龜速乾, 隻透明色會好晶瑩反光, 應該會好o的.
[版主回覆10/12/2009 21:04:00]大家都係"老巾迷"啦嘛 .... 係我自己衰心急, 手油完銀底幾個鐘後又手油透明橙, 又番筆. 搞到個底反滲出來 . 如果我等佢乾耐d又或用噴槍噴就應該好好多. 下次一定試o下你o既方法先. 對手係來自HG TR-1 Hazel, 要少少加功鋸開指縫&追加刻線.
想問o下blog友笑笑團係咪自己人玩o架咋?
回覆刪除[版主回覆10/12/2009 20:49:00]自己人玩?? 係呀! 剩係"自己人"先玩得o架 !! 你響yahoo 開個blog, 砌隻144, 仲要常post進度. 咁就係 "自己人" o羅 !! alex 兄, 一於加入我地啦!! 有興趣就到 蟹sir處報名啦!!
Ball哥個流星鎚好正呀，到時借黎影相得嘛？！
回覆刪除[版主回覆10/12/2009 20:50:00]thx!! no problem la !!
靚仔!!!人人有支獨門武器,
回覆刪除我好唔好跟風搞埋呢.....?
[版主回覆10/13/2009 23:16:00]thx!! 小心咪大改喎, 小隊長鬧o架 ~~
上色改造各樣都相當之出色！ 渣住流星鎚氣勢十足！
回覆刪除[版主回覆10/14/2009 08:25:00]thx千影兄!!
呢個配色比REAL-TYPE同3號更REAL呀! GOOD JOB!
回覆刪除12月出SD Real-Type高達連G戰機，真的假的?
CLICK TO ENTER
[版主回覆10/16/2009 01:30:00]Thx!! 軍事feel穩陣d嘛... 森兄的CG好正呀
綠色又真係幾正喎
回覆刪除[版主回覆10/16/2009 01:32:00]多謝多謝!! 穩陣但創意較低
哇 ! ball叔噴筆功力好到家 ! 我真係有排學 ! 即克拜見哩個大師父先 !
回覆刪除[版主回覆10/16/2009 12:13:00]shh .... 咪咁大聲啦, 會笑死人o地o架~~ 我d 噴功真係笑死人啦!! (max噴法我都要請教島主....) 我可以即刻兩句就講晒我點噴:- 上主色 =>主色加少量黑上陰影 =>主色加少量白上高光. 有d線位想 high-light 就要做遮蓋再上陰影, 如呢隻高達o既胸前及小腿. 係咁多!! 講晒.
好正，好快就可以欣賞倒實物喇 !! ~
回覆刪除[版主回覆10/20/2009 13:26:00]我都好期待~~ 家陣有十六隻, 唔知幾時突破二十, 又或者三十呢??
真係越多越震撼 ! <---- ( 呢條友唔砌淨欣賞 座收漁人之利 ) PS. 希望禮傑唔好甩啦 ~
回覆刪除[版主回覆10/20/2009 21:27:00]哈~~ 你講開先覺, 原來william你冇報名 ..... 咁你正裝笑笑團冇奶油走得甩嘞呱 ~~~ PS. 禮傑好多時真係估佢唔到架喎.....
其實因為衰在我自己一路都砌開大路既 1/100 以上比例，中意大大隻 (純綷個人僻好 )，所以先冇參加，如果唔係 咁好玩既活動重加埋咁多高手雲集，我一早報左名黎學野喇 !! ~ 咁又係，禮傑既野 好多時都估佢唔倒 !! ^^
回覆刪除[版主回覆10/21/2009 13:48:00]呵呵~~ william兄, HGUC都唔一定細細隻o既 , 睇下笨大呢隻幫唔幫到你 :- 暫時都未有unicorn機體參戰笑笑團喎, o黎啦 ~~~
全白高達...正..!!!!!! 哩盒嘢成日都甩個 '馬蹄' 形膊頭關節, 好煩!
回覆刪除[版主回覆10/24/2009 10:49:00]哈~~你仲記得.... 當年呢盒o野我砌完我亞哥拎去手油上色, 一盒兩份玩好經濟呢
實記得喇....嗰時我連續玩爛咗兩隻...好肉痛呀.... (嗰時愛黎玩超人打怪獸... )
回覆刪除[版主回覆10/24/2009 17:17:00]笨焦 ~~~~~~ 呯嗙!! 呢d係每個男性的童年回憶.....
http://hk.myblog.yahoo.com/model.arena/article?mid=227
回覆刪除BALLKEI, 好!~ 今日下午來看你的大作! thanks!
回覆刪除寫了有關今次無國界小隊的花絮，過來看看吧…
回覆刪除難得的盛會 - BLOG友笑笑團2010外傳﹕高達30週年無國界小隊
細意欣賞 - BLOG友笑笑團2010外傳﹕高達30週年無國界小隊