渣古大炮-製作中_02

各位2007新年好!!
crabchiu兄& yaya兄, 聖誕節的message都冇re你o地,
唔好意思~~

我只係諗住快d手砌多d, 再出個進度post來回覆,
奈何又拖多o左幾日....
早排工作比較忙, 停工了三星期,
所以都係冇咩明顯進展, 隻o野都係黏住膠紙見人....

其實大抵上都係跟上次水渣咁改, 大腿換o左個ball joint.

膝關節放棄08渣原有o既, 改用FG的.
就係貪佢左右o個兩"大餅"o野.
(膝部尚仲未完成...)
小腿仲要攪一大輪將08渣同msv兩者結合,
腳板就加多個ball joint, 試o下可否改到如MG般左右傾斜.

胸部用膠片加橫, 肩部加上關節.

so far係咁多.... 07年大家都要努力d, 砌多兩件呀!!!

渣古大炮-製作中_01

原本諗住砌完隻水渣後會停一陣,
但係實在停唔倒手....(都係多得大家鼓勵~~)

家陣又開始另一個 MSV + HG 合體計劃 --- [ 炮渣 ]!!!

隻炮渣係前排笨大番出的Z版,
HG就係來自08 MS team的渣古.

副炮渣個樣好攪笑, 頭大手粗"肥騰騰"!!
看來可用部份十分有限, 最多只有背包,炮,盾....

砌隻舊版MSV時, 見到d 久違o既硬膠關節& 超大水口,
跟住再o拍番隻HG時,
嘩~~~ 真係感覺到科技o既進步, 時光o既飛逝.....

至於HG渣方面, 第一感覺是個胸太窄,
需要動"隆胸"手術~~~
小腿亦與炮渣有太大出入,
打算以HG 老虎B3 的頂上.

今次改造進度比上隻水渣快好多,
感覺上好似重複上次步驟,
加上用HG改可慳番不少切割功夫.
今次一定可快速KO !!! (我o既意思係....唔超過半年.....)
 

水中渣古 - 完成!!

製作設定:
這架水中渣古(Zaku Marine)屬於北大西洋的Sea Serpent Corps潛艇部隊.
原是自護軍開發水中用MS試作型的水中渣古,
關節防水性及陸上機動力都有所不足.
到了其他魔蟹服役後, 已極少參予戰鬥.
只擔當偵察,及水中爆破等擾敵工作,
亦因此, 此機反而可倖存至0079後期.
此機各關節防水罩已由當初外置式,
改為水中MS後來普遍使用的內藏式.
機體型號亦由當初MS-06M 改為MSM-01.

腰間兩個圓型o野係水下爆破用定時炸彈.
膞頭個部隊標誌係來自EX自護飛機仔送的膠貼.
(我最初仲以為係水貼...真笨)
因心急完成, 冇攪水貼.
只係飛邊貼上算數.
效果遠睇算勉強可以吧,
近攝就真係唔掂~~~

擺番個潛水post先

原想整個架俾佢, 不過人懶, 或者遲d先....

okay, 呢個year project 總算完成,
大家多多指教~~~

水中渣古-製作中_13

呢個"月blog" 十月都冇update過, 真係sorry....
實情我近排都好努力完成呢隻o野, 成日諗住完成埋至一次過post.
但係拖拖o下又成兩個月~~~
家陣總算完成!!
響度交待番之前progress先:-

下圖 - 上色中 - 隻迷彩加埋其他部份o既色好似比較OK.

噴完主色後就做滲線舊化,
之後先上層半光澤透明油=> 上水貼=> 上啞透明油
呢招都係人o地教的,
可以令水貼乾後唔會有"銀底".
效果真係唔錯.
但係上啞透明油時就真係出o左事~~~
上clear我係用噴罐的(自己溝冇信心),
唔知是否噴罐擺得太耐,
噴出來時"第一啖"油乾後竟然龜裂發白!!
好彩我當時只係噴大脾前部而唔係其他更加當眼地方.
唯有用2000水磨沙紙磨滑後,多上兩層光油,
再磨滑, 再上啞光. 現在總算救得番. (見下圖)

唔計靚仔時, 我其實未正式砌過一隻渣古.
原來超花時間的, 係佢d 喉~~~
頭部較當眼處, 就用壽屋出的補品.
但每粒都有兩個水口. 要逐粒磨!!
其他腳及腰的.就用3mm tube.以開管器cut 出來 (x 50 pcs!!)

下圖 - 噴油中

 

水中渣古-製作中_12

咦?? 唔經唔覺原來個blog都有成千人次瀏覽喎....
家陣都已經變o左做"月blog", 成個月至post一次~~~
睇o下日子, 呢隻o野都差不多砌o左成年.
自己都覺得不可思議....
腦內仲有N個計劃.
真係砌到退休都得!! 我想這可能是模友的通病吧.

噴灰後發覺原來有好多bugs!!
尤其是用爽身粉快乾膠位有好多氣泡.
下次都係用開稀畢地鋪多層至噴灰.....咁又細執o左一大輪.....

終於來到噴油.
小弟第一次試玩迷彩.
之前都參考過d軍事模型書.
色方面主色係渣古綠. 但係溝出來上色後係至覺得深o左同黃o左.
不過人懶, 噴o左就由得佢算數.....
但個color scheme 就由心目中之"淺綠"搭"深籃",
(原本想有d 海水feel)
轉做"橄欖綠"搭"淺灰", 出來效果真係唔係咁理想,
想睇埋其他部位上色後至睇o下駛唔駛攪攪佢.

圖一: 先噴底色, 落埋陰影高光.

圖二: 都mask o左我成大半日....手腳慢, 冇計....

圖三: 先噴深灰, 再噴淺灰.

圖四: 現時成果 + 一堆廢棄masking tape....

水中渣古-製作中_11

仲未噴灰, 仍舊係一堆散件  =_="
原本諗住今個月衝埋佢, 參加newsgroup.com.hk 模版版聚,
但兩歲"活潑"姪仔早前因家中大裝修來我家住o左兩個禮拜,
開唔倒壇~~~

仲有支魚雷槍, 手首, 散件都未攪掂,
加上我想話試o下學人噴迷彩,
一定趕唔切了....

水中渣古-製作中_10

上圖係已上色小腿引擎內部, 攪o左大輪,
原來蓋上後係睇唔倒入面o既~~~

再post多兩幅進度先!! 快要進入打磨&刻線"地獄"了.....

水中渣古-製作中_09

嘩 ~~ 原來成個月都冇post o野!!

呢排世界杯真係連我夜晚兩三個鐘o既模型時間都佔埋,
真係好鬼難"的"起心肝埋檯開工....

開功的話都係攪緊d唔多覺眼o野,
如裙底, 小腿內部, 腳板底 & 執漏,
所以都好慚愧冇咩相好post~~
不過都想keep住唔放棄, 肉d都搵d o野講o下啦......

上圖枝魚雷槍係想改得比較現代d, 試o下畫個設定至開工.

隻腳板底都花o左兩三晚, 都係自己plan得差,
左右o拍起o左至話想加個推進器,
又鑽又切又磨攪o左一大輪....
下個修鍊真係要speed-up 同練上色技巧!!

水中渣古-製作中_08

一口氣post 多兩張相先!!

個背包仲爭個出水口未攪掂, 攪埋可以噴灰.

水中渣古-製作中_07

冇post進度上來唔經唔覺已有一個月了.....

無他.....因實在冇乜進度可言~~~

計o下日子都攪了半年~~
有時都係拎起手磨兩o下又擺低成過禮拜....

條裙終於搭起, 唔駛黏膠紙見人咁醜怪.