我連袋的巾- HG Mk II_製作中02@笑笑團2012

上次更新Mk II 的進度已係兩個月前....
不過老實講都仲係冇咩做過~

講返下製作基本o野啦,
手的改造上次講過主要係換ABS肘關節.
至於個肘關節連接上膊頭就靠插入一支PC膠條.
而我自己就好喜愛用WAVE出的一set 黑色PC膠關節的框自製呢類活動部份.
貪佢比笨大原裝的PC膠硬好多,
既可切亦可磨.
所以我一定成set連關節連框留起又切又鋸用盡佢為止.

隻HG另一唔順眼之處係個背包太細,
我印象中Mk II的背包正式係"牛龜咁大"o既~
咁就唯有動手改改佢.
下圖可見係增大o左4~5mm.

今次試用了evergreen的黑色膠片作改造,
貪佢就算將來噴咀位走光都唔會見到入面有白色膠片.

加厚背包後裁出噴咀位的斜位.

打磨好後黏上左右兩側先前切出來的部份,
背包大致如此.

笑笑團靜靜殺到埋身,
離舉行日子仲有兩個多月(??)
詳細就留意團長公布吧~

唔知大家的作品又如何呢??

144哥邦迪β-完成

好!! 一口氣出埋個"完成篇"先!!
大家恨批吧~~

原本想做到Z劇場版設定中追加的, 膊頭藏有激光劍的機關.
可惜最後都係打開得唔夠大而放棄....
又一殘念!!

呢個2008年開始的project最終畫上句號~
又係為來年笑笑團趕工的時候了!! 

你報咗名未呀??

哥邦迪β-製作中_11

"咦??~ 隻哥邦迪係2011笑笑團咪出過囉, 做乜死唔斷氣又來抄冷飯?!!"

唔....係呀, 冇錯係抄冷飯. 不過呢碟冷飯都加咗新鮮材料o架.

上次笑笑團時哥邦迪只有槍未有盾, 近日就終於"的"起心肝完成埋佢.
原本打算在盾中裝磁石, 重現原設般盾上下兩塊可以如高達MK II咁縮起.
不過磁石的位置有問題, 個盾會扭埋一邊.
咁就唯有放棄上下兩段fix 死算數...

盾背面下端用上 TR-1的部件加兩個飛彈箱.
唔肯定原設定有冇飛彈箱,
但在PS2/街機 Z Gundam 中呢個副武器就十分好用.
不過當被敵人打爆個盾就冇得用呢~~


上色後, 勉強加咗少少戰損. 油得唔係咁似, 殘念!!
一於下次再試過.

下圖係iphone 中搵到的舊相,

可以睇到腳瓜未裝百葉簾時的內部.
另外, 我現在習慣係滲完線就先噴透明光油,
跟住就上水貼.
所以d件仲係"令立立"~~

好啦, 下篇就正式出埋篇完成篇, 咁隻哥邦迪就正式 finish!!

我連袋的巾- HG Mk II_製作中01@笑笑團2012

真係慚愧, 到今時今日九月至蒞寫今年第一篇關於2012笑笑團的blog~
睇下團長個list都已經有成品出現,
我到家陣至話開始砌, 真係要"拿拿林"小改怡情有貨交先至得嘞!!

大家見到上面個banner都知我砌o既係高達,
咁為左配合主題, 我呢個初代高達迷(4X~),
唔砌0079的RX-78,
第二套TV動畫中前半部的主角機RX-178 Gundam Mk II就真係冇走雞.
睇返1999.co.jp 呢套模已係2002年出品的第30隻HG(當時係泰坦斯colour),
成十年前的模型已開始可以沾上老模的邊.
睇睇佢素組個樣你就覺了~

大條大條夾口在大髀, 小腿, 前臂正中央真係睇見都眼冤~

好啦, 一開工就搞搞佢d關節先.
原本的足踝只有一個大ball-joint,
拗大d角度時就成個關節位現晒形玩具味十足.

咁就在小腿內骨加多個關節俾佢.

加關節後一來可擺更大的角度, 二來將來加油壓都會易整d.

原本舊的手踭關節(相中左面)只可作90度彎曲,
換上TR-1 Hazel的ABS手踭關節,
出奇地FIT!!
(其實都唔係出奇, Advance of Z 的泰坦斯MS設定就係自Mk II "退化"出來.)

今次係咁多先, 下篇blog可能出埋我第二隻笑笑作-- HG GM Cannon II

合皮獨角獸ver.Soviet tank colour_完成

個多月冇寫過blog了.....
鴉烏blog都用咗幾年了, 居然早排又出咗個新o既beta.
真係要送隻高登"神象"俾佢~~
都好o既, 咁即係佢地冇打算接埋佢.
又即本試試佢囉,
冇想太多就轉咗過去新版面.

半年冇新o野砌得成,
咁就掘返隻2010年笑笑團出過o既獨角獸出來獻世啦.
其實在笑笑團今年1月時,
隻獨角獸都係未完全完成.
仲有灰色部分同支槍未做舊化,
到咗最近至埋尾搞埋佢.

好啦, 去片!!

盾上的俄文"Unicorn"係用水膠彩寫上的。
今次為配合蘇軍坦克配色主題，全隻都點上甩青，
效果自己都幾滿意。

支槍出自HG祖魯，再次多謝大力士兄送支槍俾我！
呢個配色似唔似AK-47呢?
希望可以令隻獨角獸多點「蘇」味啦~

 係咁多先~
其實我都開始砌緊來年笑笑作，儲多啲進度就會出blog。

轉咗新版面後好多篇舊網誌都要執執位，
同時亦都睇返呢幾年生活的點點滴滴。
我希望蒞緊可以撥時間多d卜，少d面書吧，
畢竟，Yahoo Blog 才是我模型生活之始~~