Blog友笑笑團2010 - 風雨中盛放 (第四勢力)

踏入虎年, 先祝大家

 虎虎生威 

 財源滾滾 

笑笑團網上導覽蒞到第三篇,
可能係咁多笑笑團報導中最遲o既一篇...

先來欣賞大力士兄的兩件作品,
就係百戰王unicorn & 六神合體unicorn
當日有多隻unicorn參加,
係大力士兄呢兩隻七彩最搶眼,
真係創意無限呢.

玩crossover的, 仲有夢大師呢隻Unicorn X Macross F

今年笑笑團比較少見的seed機體,
有島主的藍色捷高.
除o左"例牌"超可動外,
島主兄的上色同舊化都係一流的!!

龍千影兄的橙色厄運GN-X III
長矛, 盾加半光澤塗裝, 搶眼之極!!

遠道而來的龍飛,
帶來了朋友製作的00機體(名字小弟就不清楚了....)
順便一提, 龍飛及一眾內地blog友的yahoo blog被'河蟹'掉,
真正地窒礙兩地交流!!
要同龍飛大哥保持連絡, 要到佢的新私竇了

Chris兄的30巾-珠光寶氣版最終形態.
心機的表現!!
現場睇實物係超閃的, 可惜相影唔到....

再落o黎就係謝氏父女合作的剎帝利盒蛋小情景,
Joanna女神在教學中有講到這雪地係點造的,
冇聽到/o黎到的朋友實在係走寶了.

dilaton兄的月曆作snake eye,
無論上色舊化都好值得細嘗.

小弟的月曆作炮吉,
總算係還o左上年笑笑團的模型債.
但今年卻又欠下Z及邦哥呢兩筆, 真正債台高築呢....

當天亦認識了blog友米兄,
佢隻哥邦迪亦係自舊模改成,
而廸殊更係挑戰全內骨架之作.
可惜聽佢講礙於環境因素未能上色完成,
希望有朝一日可以見到佢此兩件大作的100%成品啦.

下圖借來了夢大師的相.
圖中就係"笑笑團未解決之七人眾"!!
下年笑笑團會否出現七人的完成品合照,
大家真係要拭目以待呀....

再往好一方面想,
試問邊個模型比賽/聚會會有咁多半成品參加??
相信好多暫時未有信心玩改造的模友,
睇完呢d左一撻畢地, 右一塊膠片的半成品都會心諗:
「呢班蛋散都得啦, 我冇理由唔得o卦!!」
冇錯, 笑笑團宗旨之一就係要燃起大家心中的一團模型火....

呢團火, 仲要係愈燒愈旺.
下圖就係見證呢個薪火相傳的歷史一刻,
你睇, 新任燈神團長一張臉幾咁紅,
可想而知佢把模型火有幾咁旺盛!!!

下年笑笑團再見!!

吉姆大炮-完成!!

I am so grateful JKL helps introducing us to
the Modellers Gallery, so I write a few words about this GM Cannon in
English for our japanese friends. It was a project to convert the
original old model (more than 20 years ago!!) by combining it with an
HG GM, to give it a more modern look.

After all this modifications, you can see not much of the old model was left. Only right chest, part of the legs, part of the cannon and back of the head were used. This is an earlier photo of the GM.

The color scheme is a kind of desert digital camo, which is my first try, and it seems alright to me. Enjoy!!

<好轉返channel先>
此作拖拖拉拉要到2010笑笑團前至真正完成. 比起上次趕工影月曆相時加了不少東東. 最顯眼係多o左支槍, 槍係來自HG BD-1再稍作加工. 上次影相要暫借30巾的手, 今次隻炮吉就有了一對自家山寨複件手.

噴格仔迷彩時都有少少意外--小腿部份底油咬唔實俾遮蓋膠紙扯甩o左, 真真正正"甩青"!! 咁就唯有補噴深啡格格遮住甩油部份啦.... 唔知大家仲睇唔睇到呢?

內藏磁石的後裙甲及彈匣, 彈匣可除下.

睇返自己個blog, 原來炮吉第一篇製作已係08年8月, 即前前後後砌左年半.
係就係慢o左d, 但係能夠完成自己一個心願, 真係幾滿足o架. 亦都算係還o左一次笑笑團債吧. 下年, 又要還隻欠下的哥邦迪呢~~~

下年主題, 新任團長雖然未公布, 但係都呼之欲出吧.
..... 會否.... 我又再一次欠下模型債?!!