吉姆大炮-製作中_03@笑笑團09

雖則小弟已盡量每晚砌上一兩個鐘,
但係進度仍然慢得可憐~~
唯有強行更新一下, 等各團友知我並無"潛水".

原先想就咁將隻MSV o既小腿簡單地拼上吉姆隻小腿度,
無奈我點cut點磨搞o左大輪個腳瓜都係頂住外甲,
只好幫佢造番條腳骨.

小腿裝甲就顯得過短, 照樣裝上去會好似著o左"吊腳褲"一般!!
長高o左, 唯有改長條褲....

週不時都見各位同好會素組多一隻拼埋自己隻作品度一齊影相,
我諗住只係扮o下模型雜誌相咁解....
但係實則係幾有用o架,
今次小弟就o拍多隻吉用來度高&度腿長,
咁就唔驚改出來隻吉太高或太矮了.

用膠片膠板延長小腿再上原子灰.
我未試過用咁大面積o既原子灰, 仲要塑出個小腿外形,
今次真係有排磨有排雕~~~

唔知聽日or 後日打唔打得成風呢?? 係就多日砌模型了!!

吉姆大炮-製作中_02@笑笑團09

剛過去的星期六(6 Sep), 去o左蟹sir佢o地間workshop坐,
除o左吹水食飯外仲有o野學---"複模實戰講座".
有興趣睇睇當日盛況o既blog友可到模型村廣場v2.2
搵呢個主題睇睇:- 港男的幸福星期天~
當天仲多得lastman兄 & SK兄幫小弟隻炮渣影相,
要兩位忙o左大半晚, 真係唔好意思~~~

睇完佢o地倒矽膠模真係有d手痕,
星期日响屋企就立即"開壇"玩玩複件!!
今次主要係想複吉姆腳跟一件自製零件.
小弟參考o左(其實係抄~~~)較近期出o既HG,
如Hazel, Powered GM等o既足踝設計,
將該腳拳後部份切出改窄及補上膠片.
下圖上方腳掌係未改前, 下方的已改成三件parts.

在前腳掌加上pc parts增加可動性.

下圖見改造部份未加上旋轉軸及ball-joint, 因唔想增加複件難度.

用自由樹脂將原件製模, 今次造o左兩個模方便一對一對地量產,
接著就可用AB水複製了.
初睇小弟blog o既朋友有興趣可參考小弟一篇舊網誌,
睇o下小弟d"蝦碌" o野引以為戒都好:- 渣古大炮-製作中_13.1

復出來o既件都OK可用, 但要補番d氣泡位.

經初步打磨, 試位後仲要修改一下, 最後加上ball-joint及旋轉軸.

可能各位會奇怪小弟為何大費周章去複呢件足踝.....
直接用膠片膠條改可能仲更加"快靚正".
其實, 我係為o左將來量產吉姆作準備,
大家唔好忘記, 我係"吉姆fans"啊!!