這篇網誌源於小弟回覆Godzilla兄的沒有模型的日子,
當中講到對砌模型呢樣hobby究竟如何堅持下去,覺得幾有意思.
加上呢排手上模型進度乏善足陳,
就此copy & paste"強行update"一野~~~
ball_kei:
冇所謂啦, 忙的話就停低唔好砌o野住囉,
就算係停幾年都係咁話啦....我o地又唔係專業砌o野謀生,
生活上有其他重要or要先處理o既事就做o左先囉,
遲d有時間有興趣就再開過工.
如果係自己終生興趣就更加唔駛憂心, 退休都仲可以砌過!!
早前在祖國的模型雜誌"模型世界"睇過篇文,
作者砌的是1:350船艦模型, 睇完我都有d感動....
現節錄如下:-
十炮齊發的"馬克格拉芙"—重拾模型製作的報告
(吳林照)
我從小學高年級就開始做航海模型一直持續到高中,
細算起來也有六年模齡.
文化大革命來了,原來的造船夢、航海夢,
連同我的模型製作頓時間灰飛煙滅.
緊接著就是上山下鄉,游走四方.轉了一個圈,最後回到出發點.
光陰荏苒,一晃幾十年過去了.去年,由於一個偶然的機會,
令我重拾少年時的模型製作,並一發不可收拾.....
當晚都掘翻呢本06年12月號出來, 睇倒作者結尾的一句:
我做模型是一種老花眼鏡下的自娛自樂,
也是一種對兒時志向的追思.
興趣夠濃, 加上環境許可,
就算文革都磨減不去作者造模型的心志呀!!
都係一句: "隨緣啦~~"
之前有留意小弟blog的朋友, 都知我係冇砌模型十多年,
係近幾年至砌翻.
當年中學係有砌過一輪, 中六七時已轉投另一興趣"話劇"了.
大專及至畢業頭兩三年都仲係樂此不疲搞drama.
其中亦係咁識到內子!!
(相信砌模型好難會識倒女仔吧....我估....)
跟住--結婚--生女--揍女--買樓--搬屋, 當然亦要拋下搞話劇~~
結果十多年後就又回到"模型"身邊.
將來o既o野真係冇人知喎, 可能我有機會時間,
又會去玩o下話劇呢!!
又或者增加/轉去其他興趣亦都係唔出奇o既事....