模魂志No.21-- "笑笑團"報導

今期"模魂志"有"笑笑團"報導啊!!! 仲係跨頁兩大板!!
有參加的blog友快d去買番本睇o下有冇自己(or 作品)個嘜頭....
(我已經第一時間入手來留念留念...)
小弟隻劣作半成品竟然都有張細相,
真係承蒙錯愛~~ 勞煩晒呀, 龍飛兄.

BLOG友笑笑團後記(下)

KITP兄-- Powered GM頭 & 大魔upgrade部件
除o左個"勁"字.....冇o野可以再補充.....
當天每人都要拎起隻大魔腳把玩一番, 驚歎一番, 好似聖物一樣!!

大頭兄-- Zudah
將原本淺藍colour scheme轉為紅色, 即刻成隻唔同晒.

可羅索兄-- (左至右) 紅雞, Exia, Gouf Test type
富有強烈個人風格o既機體.

阿青兄-- 疑似魔蟹改
另一全場焦點, 好奇特的改造!!

Kent兄-- (左) 馬沙專用型高達 (右) 馬沙專用型大魔
小弟同Kent兄都係0079死忠派, 當然好o岩傾.
Kent兄亦詳細講解o左高達盾上面個凸紋logo點整,
有興趣就要拜訪o下佢個blog問o下佢:-
http://hk.myblog.yahoo.com/kent19671222
佢透露"自護V計劃"秘密進行中, 究竟係咩計劃呢?? 期待~~~

龍千影兄-- Hazel TR-1
同場加映 1/100 Dyunames
龍千影兄的TR-1係"笑笑團"其中最早完成o既作品之一, 完成度十分高.
Dyunames的迷彩pattern 夠晒搶, 正!!

zeonic兄-- ZZ水渣
用HGUC渣古加上舊套件的作品, 改造&色澤俱佳.
好可惜有部份角位膠貼"搏"起o左....
原本想提議如果zeonic兄唔得閒換上水貼, 小弟可以代勞.
但zeonic兄見到我流晒口水個樣,
一定以為我係想"老粒"隻水渣走去報警求助!!
都係....唔好出聲好d~~~

龍飛兄-- Civilian Astray x 2
今次聚會除o左有加拿大代表之外, 仲有深圳o既代表-- 龍飛兄.
之前在"模魂誌"已拜讀唔少龍飛兄文章同作品,
當天可以認識佢本人實在係難得.
感覺上係相當有幹勁, 風趣o既小伙子!!
中國模型界發展就有賴佢同一班同好繼續打併, 努力!!

KOG兄-- Hazel II TR-1
全身比例均稱, 工整的作品, 上色及改造都好值得學習.

搵老襯兄-- BD-2
相影得唔好, 實物靚d.

好啦, 今次係咁多先~~ 有緣下次再來"笑笑團"!!

(全篇完)

BLOG友笑笑團後記(上)

呢篇我估都算係最遲o既"笑笑團"網誌了~~

5月10日(Sat)下晝開開心心同大班模友(30+)玩o左傾o左幾粒鐘,
當中有高人、新手、中年、青年、少年、仲有小朋友.
有作品睇、有o野學、有o野食、有o野玩(有psp、card game)
亦有獎抽(獎品?....四腳"亞媽call"大大盒!!~~ 蟹貨是也).
夜晚仲有十幾友走去食o左兩個"母親節"套餐.
(皆因母親節前夕間酒樓冇其他餐揀~~~)
夫復何求呢??

其他blog友都影o左唔少靚相,
可到蟹sirBLOG友笑笑團總篇集睇睇.
以下只選出小弟影得比較見得人o既相同大家分享o下.
大量作品未能盡錄, 望各位見諒.

crabchiu兄-- (左至右) 火雲邪神吉, 悟空吉, HGUC Nu巾
(今次活動搞手蟹sir, 點都要俾俾面~~)
真係一門三傑, 有天馬行空, 又有乾淨簡潔,
蟹sir已係全能型向了.
隻Nu相信已即時毒到唔少同好~~

江師奶兄-- 金牛座GP02A
雖話係144, 但有種巨大感!! 唔通呢d就係"壓迫感"?!!
"令立立"的銀色金色件係小弟最感興趣的,
當然冇執輸立即向江師奶兄請教了!!
呢d就係參加模型聚會o既bonus....

Lazy King兄-- Gundam Astraea Type F
同場加映 機動警察 1/35 Extllabor
當中Extllabor 係會場其中一焦個點所在,
舊化得好精彩!!

dilaton兄-- 紅雞
來自加國搭過飛機o既大會吉祥物是也~~~
古有千里送鵝毛, 今有千里送紅雞.
dilaton兄真正係有心(heart)有力(實力)!!

同popoandrew兄隻紅雞合照,
當日場內仲有一隻可羅索兄o既紅雞, 今期最紅係佢~~

(左) 高地陳兄-- 獨角吉
(右) 小貓咪-- powered GM
唔知點解, 佢兩個有種說不出的"襯"....
(我係話對吉~~)

你相信這小腿係就咁用原子灰雕嗎??!

高地陳兄令人期待o既龍飛.

小貓咪-- S Gundam
女孩子都有咁o既功力!!
Gunpla呢個男性o既"絕對領域" 恐怕要被攻破~~~

~~上篇完~~