my 08電撃評判感想

見眾blog友都post自己電撃作品評語, 小弟都來襯熱鬧先!

「製作雖然出色，但若加上舊化效果作品的層次會更突出。」

雖然部分blog友得到o既評話都好行貨, 又或者係有d無棱兩可.
但小弟又覺得俾我o既呢句真係好"中"喎!!
加上昨晚"蟹sir飯局"親眼見到KY兄隻靚靚"櫻花",
頓時間感受到"舊化力量"o既衝撃~~~
睇怕都真係時候要在呢方面多加苦功了.....

諗住開多條line玩齋拍唔改(又或係極少改),
用來練上色舊化, 又可以順便清清d存貨嘛.

吉姆大炮-製作中_04@笑笑團09

對小腿磨到有點悶悶地
又走去搞對肩關節....
原本HGUC吉吉個膊頭只係兩支棍仔插住上臂o既簡單轉動關節,
做唔到前後擺動, 所以一定要搞搞佢
但因炮吉右肩有支炮及相關活動部份,
唔可以有太大空間放入一般o既可動結構,
想o左一輪結果都係用補品PC parts造個簡單關節就算.

胸入面加入一條方形tube.

把PC part的圓軸削成方形插入便ok.

拉出PC關節, 個膊頭就可稍稍前後擺動,
唔擺pose時亦可縮返入去肩內, 冇咁礙眼.

家陣隻炮吉稍具雛形, 仲有好多地方要改呢~~~

早排至將隻炮渣放入我僅有o既'成品展示箱'.
呢四隻就係我平均以每年一隻o既速度完成的144作品,
真係慢得有點欷歔呢~~~
順帶一提, 個展示箱係Muji(無印良品)出品o既acrylic膠箱(好似係百多元),
再加多塊在膠片鋪'界'o既鏡面膠片(約四,五十元),
用來放144一格一隻真係唔錯
吖....唔知我要幾耐至可再填滿多一個展示箱呢??

(08-Nov-2008後註: 早兩日行'無印'見此膠箱已然加價至$250!!
雖係日元強勁, 但都唔駛加到咁貴o下嘛~~~)

大家要繼續努力呀, 笑笑團會唔~經~~唔~覺~~就殺埋你身o架!!
(尤其係哥d 近排沈迷'製造小生命'o既朋友~~~)