RB-79K Base: 8月 2009

2009年8月31日星期一

笑笑團外傳の高達30週年無國界小隊-ver. zeon captured color_製作中03

呢幾日都有搞搞隻三十巾. 冇計啦, deadline都出了係11月8日. 每次都係咁, 唔經唔覺就會到deadline....

整了前臂分件, 造法跟蟻仔兄, 潛水鏡兄咁做, 可參考兩位大大的詳盡教學. 我就另外再改埋手腕個關節ball-joint, 加多個可活動四方框遮穿崩.

當小弟正納悶個膝關節如何分件時, 原來我睇漏了Marco篇blog, 係完全唔需要做分件o架!! 但小弟的已前後部件黏死分件不能,

唉....點解我唔留心聽書呢~~~
至此應無需再改了, 希望呢幾天可完成組裝及打磨, 週末可以上灰啦.

今次好在小弟報名報得早, 霸了自護虜獲機color scheme, 夠晒簡單吧!!

p.s. 我自己幾鍾意PS2隻舊game"奧干對泰坦斯"中雙方的虜獲機體配色, 未有上色靈感的隊友不防參考一下啊.

(pic source: http://www.bandainamcogames.co.jp)

2009年8月23日星期日

笑笑團外傳の高達30週年無國界小隊-ver. zeon captured color_製作中02

過去的週六回WS開會, 見到一大班模友(20+?!), 再加埋King Sir帶來今次"高達30週年無國界小隊"活動的天字第一號成品, 心中那團火又再熱熾起來

!!

今趟笨大的30週年紀念版HG高達最為人垢病之處, 相信就係腳眼呢個關節活動範圍太少

. blog友當然義不容遲紛紛出手對付此處缺點, 其中尤以係正宗超可動派傳人島主兄的改造法至為皇道, 要隻高達蹲低, 一字馬, 起飛腳者, 務必隨島主兄之心法習鍊

. 奈何小弟已欠下太多模型債要還, 未敢再隨各位大師修鍊. 唯有想想有冇其他偷雞'小改造'法門

....

我估好多模友都想過用此方法, 就係削薄腳眼內側部件. 唯小弟暫仍未見有blog友文章提起, 就等我拋磚引玉出篇blog等大家指教指教

.

(圖一) 嘩!! 原件腳眼關節只可微彎至此程度?! 離譜!!

(圖二) 簡單小改動之處: 1. 將腳背裝甲接連腳眼的圓孔改落1mm. 洞的頂端兩邊加兩片膠片造出一個"倒轉鎖匙孔型". 2. 腳背裝甲的旋轉軸削短至1mm及修改至 ' I ' 字形(方向可參考下圖). 3. 將腳眼內側削薄, 視需要更可將其削矮一點.

(圖三) 左為原件, 右為腳眼內側已削薄.

(圖四) 左為原件, 右為已改造部件. 注意腳背裝甲因連接孔改低而位置較低.

(圖五) 之前提到的"倒轉鎖匙孔型"連接孔及 ' I ' 字形旋轉軸就係用來如下圖般方便楔入或除下腳背裝甲, 咁就可方便未來上色工序.

(圖五) 改造效果如下: 左為原件, 右為已改.

(圖六) 呢個角度, 普通站立姿勢應該可以應付到吧

心急出blog到仲有隻左腳未改

~~~

2009年8月17日星期一

吉姆大炮-製作中_09@笑笑團2010

大家有冇奇怪隻炮吉停工半年, 係咪已成爛尾貨?? 當然唔會啦! 佢只係靜躺著等候一個機會.... 一個被複製的機會....

之前改隻炮吉外型自己都算滿意, 奈何就只得一千零一隻~~ 而我仲想砌多一兩隻噴唔同色呢

~~ 唯一可行方法就係自家複製. 加入WS其中一個好處就係可以玩大大壇實驗品, 上次試複個積根頭係我第一次矽膠製模經驗. 今次就膽粗粗搞大壇d, 試複隻炮吉改造部份自製"改件". 當中遇到一大難題係唔知兩條小腿可以點複.... 早幾個禮拜在WS"藏經閣"閒晃時就俾我發現此期電擊, 居然有教矽膠製模, 仲係原全合用