特裝吉姆- 完成!!

呢隻HGUC GM Quel 改GM Custom搞o左半年了,
卒之砌起!!

早兩日見天氣唔錯,
冇等KY兄個 "Testors透明啞油用家報告" 就幫隻吉上啞光油.
都係用翻郡仕Super Clear噴罐(但買o左罐新的...),
今次我小心薄噴,
唔夠啞o既位就乾後輕手多噴一二層就okay冇問題了

之前諗住翻噴o既parts, 我決定聽取小鯊兄意見--
即係冇噴到當係舊化算了

呢個project 源自2002年5月號Hobby Japan,
其中一個作例係用HG RX-78 直接改成GM Custom.
當時已好想擁有一隻144 特吉, 奈何功力不足工程浩大而卻步.
後來電擊送的Hazel 及後來出的HG Hazel我都有入手,
亦係想用來改的....
但拖o下拖o下連隻Quel 都出埋, 終於忍唔住要出手了!!

今次亦係我第一次乖乖地盡量跟原設製作,
只係上色有點變化. 其中頭部造型我自己幾滿意!!

個盾用膠片膠支造翻個握把, 立體d冇咁平面.
彈匣來自之前俾我玩爛支槍. 詳程>>HG 特吉-製作中_02

最後來張"步兵"睇MS的角度, 應該係咁上下o卦~~

小弟影相拙劣, 望大家包涵.
睇完相後多多指教呀!!

另外, 致crabchiu & KY: 唔好意思, 約唔成去開倉...
下次再睇o下有咩活動可以大家meet meet.

HG 特吉-製作中_09

大家可能奇怪隻吉為何仲有篇"製作中",
理應係"完成篇"至係~~
我原先都諗住係咁o既, 但係出了少少問題....

隻吉噴o左半光油後上埋水貼,
原本跟住再上層啞透明油就可收工大吉,
但係早兩日我用噴罐裝郡仕啞光油時,
又出現發白龜裂狀況!!

當天(週六)天氣幾好唔潮濕,
所以估計今次應係我重手噴得厚得滯....
只好怪自己砌o野太少, 上色手勢唔熟手~~
好在只係噴o左d關節位而唔係主體, 翻執都冇咁傷.

咁o岩早兩日睇o左KY兄blog的製作過程,
(詳見 AC-05 上色報告)
見佢又遇到啞透明油發白龜裂情況.
文中提到轉用Testors啞透明油可能較好,
家陣想等埋KY兄個"Testors透明啞油用家報告"至敢再開工,
因為勁唔想撻Q衰收尾....

圖中左邊膝關節就係發白龜裂, 要翻噴了!!

右邊的就OK.

另外, 多口問句, 有冇blog友會去"笨大"開倉呢??
一把年紀的我唔係去排隊買限量o野,
只係想去襯o下熱鬧o者....
我諗住 26號 and/or 30號 去, 有冇人join埋一齊吹o下水??

最後響度先祝各blog友: 中秋快樂, 人月兩"臀"圓!!

HG 特吉-製作中_08

隻特吉已在上色及滲線中, 仲會幫佢做輕力乾掃.
仍然有兩隻手掌, 支槍&各個噴射口未磨未砌,
不過唔會攪咩花臣嘞, 想快手攪埋佢!!

以下影o下d parts, 算係做個紀錄及update個blog啦!!

右邊個足踝關節原件係用浮雕方式表現油壓管構造, 好唔順眼...
家陣改以膠條重造, 但令到個關節活動範圍細o左~~

左邊膝關節浮雕式動力管亦以鋁線重造.