合皮獨角獸 ver.Soviet tank colour_製作中02@笑笑團2011

嘩!!~~ 原來成個幾月冇update個blog~~

冇計啦, 家陣日日facebook都冇打blog....
iPhone (or android) + facebook 真係勢不可擋,
手機映相=>即upload=>即打字=>即回應.
真係方便至極, 懶人如我更係愛不惜手.

不經不覺隻合皮獸上次post已係9月中.
完成部份裝甲表面鑄紋效果後,
從地理堂兄送俾我o地ws的"神奇寶盒"中,
找來窩釘在各個角位鑽孔後裝上,

算係多d細部冇咁齋啦.

上灰後用黑色做pre-shading(譯作 預製陰影??),
自己未試過咁噴,
正好用呢隻較飛~~

離笑笑團仲有15日, 一於趕!!

(咦?! 隻哥邦迪好似仲未砌起喎~~)

哥邦迪β-製作中_10@笑笑團2011

話明係blog友笑笑團,
查實就應該在blog出多d進度的.
但係睇返呢隻哥邦迪就真係比較少製作過程,
原因之一都係因為早排打算趕及自己心中死線.
(另一原因係懶~~)
不過到最後都係趕唔徹, 又慢返落蒞.
咁就出下進度先啦.

膊頭分成三件o既原因係會有少少gimmick玩下,

成功至俾大家睇睇.

用推刀雕出膊頭呢個位三個方洞,
先用marker塗黑周圍再雕會易睇d.
不過真係要小心,
我就係雕中間個洞時用力過猛,
雕崩個洞時仲雕親自己,
雕到手指標血!!~~

個頭大抵係咁.
兩條動力喉係1.5mm鋁線, 在手工藝舖買入.
各位有冇見到佢冇頸?
係呀, 到家陣我都仲未諗點整....

下面張係早個禮拜在下施展一招"霸王硬噴油"的結果.
原本唔多滿意個色心大心細想話噴過.
但ws巴打們見過都話尚可,
咁我懶得就懶又尤得佢了....

相中佢條三角底横係紅色,
但係佢話佢唔賭錢唔駛咁旺,
現已幫佢換返條啡色褲仔.
(查實係我冇睇設定噴錯紅色~~)

好啦係咁多先,
呢個週未睇睇進度如何再出post俾大家look look.

有模自遠方來

呢篇blog 都delay o左成個禮拜....
事源於上個星期六在ws砌o野的時候, 蟹sir匆匆的到一到放下包裹就又走了. 當然大家都知呢盒東東就係地理sir的鎮暴吉大氣層突入作戰成果啦.

「報告!! 泰坦斯部隊新香港降下成功!!」

WOW, 好小心o既包裝 ~~ 泰坦斯部隊北美分部指揮官地理sir擁有多年o既大氣層突入作戰經驗, 考慮確實週全.

主體, 雙手及大氣層突入背包各部份都獨立包裝.

 
查實小弟一向好拍handle人家的模型, 自己的都仲知道邊個關節鬆緊, 邊d位唔受力. 人地的就真係毫無頭緒. 皆因本人一向粗手粗腳. 早排就將隻好地地齋拍好的高達7號機足踝關節整斷.... 因冇睇返說明書, 以為係個簡單ball joint, 一用力啦就"啪"聲斷了~~ 記憶猶新, 在戰戰兢兢唯恐整爛整花地理sir大作之下將隻鎮暴吉慢慢裝拼, 一路砌路喃喃自語-- [嘩~~ 乜呢度都係關節郁得的...咦~~ 呢個位好detail喎!] 真係砌得我滿頭大汗....(在ws的巴打們可以做證啊)

哈~~ 不過今次我一路砌一路學緊o野o架我....又上o左一課加拿大遙距課程, thank you sir!!

哥邦迪β-製作中_09@笑笑團2011

快d交今個禮拜功課先, 唔係團長大人鬧就唔好啦~~

雖冇帶相機, 但都在ws個攝影棚玩下先. 不過電話影出來好似黑o左d喎....

背包&膊頭都係用"寶貼"黏上, 好多位置都要細執, 仲要刻線加detail大把功夫....

特寫個腳瓜囊先.

呢兩日好勤力地都只係搞o左兩隻腳板, 手腳真係超慢~~~

冇嘞, 係咁多. 大家呢個星期又搞o左d 咩呀??

哥邦迪β-製作中_08@笑笑團2011

(02/10 update)

今日在ws將幾件可以先噴灰的部件上灰check bugs, 大把地方要再補畢地細執... 呢個係砌老模不可少o既步驟.

另一方面, 其實係心思思想試下ws個新抽氣箱 & B仔借出的Silair氣泵. 真係巧正!! 唔該晒各位巴打o既努力

近呢幾個月都冇點樣在自己blog出模型進度, 無他, 係人懶~~ 加上製作時自己常常感到只係重複之前做過o既o野, 都係費時悶親大家或呃人來睇我個blog. 不過想深一層, 咁樣就違反o左前團長創立笑笑團的遺志....呀, 唔係, 係宏志. 笑笑團係要一路砌一路出進度大家互相激勵!! 好啦, 咁就唯有勉強出一出啦~~

除o左在WS休閒地砌隻合皮獸外, 我查實都仍有斷續砌隻哥邦迪,.不過只係搞埋o的細眉細眼地方, 比起笑笑團2010時, 外表上仲係睇唔到有咩大分別.... ha, 上次笑笑團都冇影到自己隻o野, 下圖借來King Sir的靚相, 等各位記得佢係咩款.

小腿內骨架係咁二拼湊成的內構, 就算腳瓜走光都唔會只係見到兩條膠條咁肉嘛.

腳瓜個噴射口個窿用混合畢地造的孤形部件封上, 鑽幾個洞再裝上3mm補品.

噴射口的百葉簾仲要加工至有望裝得返上去.

兩側同尾裙甲用0.2mm膠片拼合做細節.

咦? 個背包點解會黐住個鉗o既??
咪又係加o左磁石囉....

隻哥邦迪個胸, 背包, 小腿外側都加o左磁石. 聰明的你應該估到我想搞咩.
冇錯, 就係大氣圈突入裝置. 不過好可惜, 地理sir的原件量產不能.... 呢個大氣圈突入作戰要暫且擱置. 有朝一日, 我會自製一套出來裝上去. 不過, 就唔知係何年何月....

好啦, 暫時係咁多.
今個月要砌起佢, 真係有難度喎~~~ 睇呢幾日假期進度如何啦.

合皮獨角獸 ver.Soviet tank colour_製作中01@笑笑團2011

(真係好鬼長o既o者, 我..... 起d 網誌標題~~~)

正所謂: 「一年容易又中秋, 一年更容易又笑笑!!」

冇錯, 就在我上年d 笑笑模型債尚未還清時, 新債又湧到咁來.... 就在我債台高築, 惶惶不可終日時, 為何冇好似廣告咁跳個邦民女or大眾女出來同我砌....咁一兩隻?....

應承o左新任團長玩獨角獸大合照, 基本上入場劵就要交出一隻合皮或爆皮模式獨角獸成品. 呢隻HG都出o左一段長時間, 相信好多C兄都己完成/ 砌緊/ 齋拍過一隻. 而小弟呢, 就襯新搬WS仲未有得噴灰噴油, 坐在碩大工作檯前同C兄們吹水時, hea拍起隻合皮獸算做係應o下景開功大吉.

呢隻打算係OOB齋玩上色, 見大家都喜愛將佢砌得乾淨立立令"七彩蝦條姐姐"咁(哪, 想認後生就千祈咪話知道"七彩蝦條姐姐"係乜水~~), 我又來專登拗頸砌隻青BB扮蘇軍坦克污糟立塌合皮獸!! 出來效果? 哈~~ 真係天曉得!!~~

既然係扮坦克的話就冇理由咁滑溜靚仔.... 早前有幸見過YA大隻Sniper F2渣, 咁就立即抄考佢用快乾膠在部份parts表面做少少手腳, 等佢有d 鑄造紋感覺. YA大本尊係用手指直接印在快乾膠表面(!!)去印出鑄造紋, 而我就東施傚顰帶住隻食雞用膠手套去印. 效果當然比YA大相去什遠啦.... 係咪, 我對模型o既愛唔夠強烈呢??!~~~

下圖在ws用電話影, 鑄造紋效果在胸的部份較易見到.其他如肩甲袖口位就因解像度問題唔多睇得出.

原盒只跟來一支大炮真係唔多合用. 想話搵密識支Zulu用機關槍(有d 似AK-47)過佢楂. 有冇巴打肯割愛?? (價錢&交收問題請PM相議)