在眾blog友砌到不分晝夜併發出光與熱之際, 小弟都難逃被"燒"的命運!!
晚晚都乖乖埋位開工去也. 這對於懶人如我就真係好難得, 以前會考都冇咁勤力~~
近一個星期搞緊佢對手臂, 主要係參考HJ 2005年3月號一隻144力奇戴亞士作例去做, 但有少少唔同o既係呢隻哥邦迪設定中上臂外側有一個把手形o既構造, 所以上臂唔可以分件造一個旋轉位, 要靠入面o既wave出品的PC parts做回旋軸.
有以上o既構造, 只要將個PC parts稍稍拉出就可以做到下圖呢個機械設定中常見手臂微曲o既動作.
將前臂轉90度, 再將個PC parts更加拉出就可成為一個雙重關節, 加大屈曲角度. 當然之後會再加多個關節罩遮住手肘pc膠.
左手入面以快乾膠+爽身粉黏上小磁鐵(圖中紫圈者), 預備將來裝上盾之用.
經過近一輪"超可動派"各大高手連番發功, 小弟亦無可幸免慘遭"毒"手!!
本想簡單沿用舊模的肩關節, 在我"毒"發難忍之下就難逃被劈o既命運.... 不過要在上身前後已黏合的情況下咁樣追加關節就真係自己搵來搞~~ 又花o左唔少時間功夫. 搞定後又發現後加部份會頂著腰部活動位~~
唔理咁多, 之後先再修正吧....
以下就係上面提到o既HJ 2005年3月號.
入面仲有隻以舊模改成好靚仔o既迪殊, 小弟自問就冇咁o既功力挑戰此機體, 唯有在此提供數幅圖俾各有志之士參考參考, 祝君好運啦!!
(*小弟相簿中有較大的圖)
行過kog兄個blog, 見佢發起Z無國界小隊齊齊砌Zeta, 貪熱鬧高興就又參一腳!! 今次....真係踢自己落火坑....
冇啦嘛....
萬一呢件'聖物' 有咩東瓜豆腐唔好彩甩手的話.... 現場幾十人, 我估我會死得好慘~~~
)
"
. 