各位睇見d 相係咪覺得隻吉同個多月前冇咩差別?
冇錯, 真係冇~~~
原想話五月就ko 呢隻吉, 但係又meet 唔倒自定的target了....
早排小女要考試, 點都要盡o下老豆責任幫o下佢溫習,
隻吉都係擺低多過砌~~~
(老實講, 真係自己讀書考試都冇咁勤力!!
呢幾晚得閒d又多手摷翻套friend抄俾我的"Z高達"出來睇,
成50集, 家陣至煲o左30多集.
套o野實際上我係從來都冇由頭到尾睇過的....
可能大家覺得以"高達迷"來說好像太說不過去,
但係當年在tvb做時我已經係冇心機追的.
當時的我已覺得敵對雙方d人成日換來換去,
戰艦上任何人都可隨時登上MS揸出去走翻轉,
仲唔理咩時侯都可打開MS個倉門同人傾o下計,
似開party多過打仗!!
再加上d似"靈媒"多過似new type o既架駛員....
今時今日睇翻我都並冇改觀.
只不過現在年紀大o左, 忍耐力好o左至肯坐低慢慢睇.
說到底, 除了0079外, 我都係鍾意冇newtype o既0083 & 08小隊.
(上述言論如有得罪各高達"死忠派", 請勿動怒, 唔好炸我呀....
講翻隻吉,下圖見個架駛倉己經搭好.
揭佢裙底. 裝甲內部用0.2膠片造出細節.
手肘關節我嘗試前後都加膠片, 令其冇咁MIA feel. 不過效果就未知得唔得.
小腿總算併合好, 膝關節灰色部件用2mm 鋁線造出導管.
之前阿彪兄問的關節我想是下圖這上臂入膊頭個位,
因我初時都諗唔倒點攪.
結果都係跟人家作例做:-
1. 將上臂原本圓形卡榫位削成一特別形狀
(小弟的是一邊窄一邊闊的).
2. 膊頭原本個洞削成和上臂卡榫形狀相配合, 再把上臂插入.
注意方向!!
要避免手臂在擺正常姿勢時掉下,
卡榫位應要設計成在手臂扭向後方至可插入及拔出,
圖中的例子是要手臂轉向斜後方才可拔出
不過呢個關節都仲係有不足之處,
如果手臂轉至卡榫與洞平行時就會顯得較鬆....
下次可以試o下在上臀種入pc parts, 再在膊頭加支柱插入去.
大家唔知有咩意見或更佳做法呢??
之前俾我"玩"爛支槍o既問題已圓滿解決,
haha....答案就係下圖. 佢都有支吉姆長槍架!!
上個月見深水埗"福利部" $69大元一盒, 立決!!!
(咦?!....多o左隻海茲爾機體....又有咩可以攪呢??....
剛剛至見crabchiu兄個回應.... 呵呵....yes sir!!
即刻凌晨3:00都要update 埋個blog至敢瞓啦~~
