砌完隻30巾, 又要趕在月尾起隻炮吉出來影相…. 點解會咁忙o架?!!
炮吉複件計劃暫且告一段落. 所有主要部件均已經製模及試複一次, 複出的件雖然有瑕疵但問題不算太大, 總算可以安心將原件製作成模型. 至於套劣質自製改件呢.... 當我想到要花多少工序&時間至可以將佢拼合入一副HGUC吉姆時
....都係算把啦... 暫時讓佢安躺在盒中, 睇下等到何年何月我至再掘返佢出來玩
~~~
炮吉已進入上色階段. 由於模型本身多處都動過大手術, 例如對腳裝甲係由舊件+膠片+原子灰+AA膠/爽身粉搭成, 小弟的刻線功夫又未到家, 如在由多種物料合成的表面刻線恐怕只會吃力不討好. 倒不如在上色方面搞d花屈等佢望上去唔會太齋. 早前有幸見過明天兄的數碼迷彩版Powered GM(明天兄有詳盡教學, 我都係東施效顰....), 加上祖國60週年大閱兵見解放軍多款軍車都塗上'富我國特色'的土炮數碼迷彩, 搞到我都躍躍欲試.... 把心一橫不如以呢隻炮吉教飛, 玩玩三色數碼迷彩!!
先噴上底色, 底色係類似米白or沙黃色.
之後將遮蓋膠紙切成小塊再如砌階磚般砌出心目中的色塊分佈 (呢個工序修修改改, 足足搞o左成日
).
在餘下其他要保留底色的地方用遮蓋液/遮蓋膠紙封好後, 跟住就噴上自溝帶啡的灰色.
其後再一次做遮蓋, 最終噴上第三隻深啡色.
噢~~~ 點知出來效果唔係咁似數碼迷彩
.... 可能係底色淺色, 而其餘兩隻色調得太深, 兩者間差距太大. 家陣反而似近年流行的城市迷彩. 睇睇下, 唔知點解仲令我聯想起某名牌手袋的monogram pattern
.
不過唔緊要啦, 算係累積經驗, 反正我仲有複件可以砌多隻, 呵呵~~
我覺得你複得好靚, 起碼好過我果啲, 依家我補氣泡補到喊~ 同雕過無分別~
回覆刪除你依隻迷彩要好多功夫, 要夠細夠密先靚, 依家PATTERN好似大咗啲 , 要加油呀, 我好鍾意你隻炮吉架~
[版主回覆10/28/2009 23:29:00]嘩! 乜得你咁快覆o既?! 我就係怕補氣泡呢d功夫至將份改件放埋佢唔玩住咋~~ 至於個pattern己係小弟極限, 再細d睇怕要買返幾樽藍莓素補補對眼至得 .
回覆刪除我好鍾意
[版主回覆10/28/2009 23:58:00]thx!! 算係不過不失啦
OK 喎~~~ 望見家鄉啦
回覆刪除[版主回覆10/28/2009 23:59:00]家鄉都仲幾遠o下.... 起碼今個星期六係趕唔徹了
好欣賞格仔迷彩！因為ｃｕｔ膠紙依野．．．．真係要比多幾倍心機攪！ 期待成品！
回覆刪除[版主回覆10/29/2009 09:10:00]最花心機時間係砌d格仔膠紙, 有時貼完發覺唔合心水, 又要搣番出來砌過
我鐘意城市迷彩喎, 波波我同你真係夾, 我隻sniper又係要上迷彩色, 不過係傳統碌色, 而家你咁整, 我又想試下格仔綠... 我又係趕唔切31號...
回覆刪除[版主回覆10/29/2009 09:13:00]唔駛趕31號的話, 不如玩下打格仔啦....hehe.... 難度唔高, 係要花d心機時間.
我好鍾意這個設計喎.... 我自問無你咁細心cut d格仔...
回覆刪除[版主回覆10/29/2009 09:23:00]都幾好玩o架.... 唔咁細格可以玩大格d, 多d變化都得, 試o下無防呀.
D數碼迷彩好正
回覆刪除ball_kei兄會唔會入PG 00？
[版主回覆10/29/2009 09:16:00]thx!! PG未砌過呀~~ 不過我砌左都冇位放, 所以暫時都唔會挑戰住
應該趕到吧，至少上半身可以星期六完成影相？！ 我部 Zeta 都打算玩數碼迷彩
回覆刪除[版主回覆10/29/2009 09:26:00]係喎! 一言驚醒!! 玩住胸像先都得喎 Zeta 外形同數碼迷彩會幾夾, 等睇你發功 !!
其實如果時間許可，應該攪複件留原件，以防要再倒模，始終用原件倒好d
回覆刪除[版主回覆10/29/2009 13:44:00]多謝提醒. 今次都係倒來俾自己玩下, 有經驗下次會再試試.
衣家都唔錯，如你所諗色差距再細d會更好
回覆刪除[版主回覆10/29/2009 13:45:00]都係我一向亂來又唔試色之故.....
打格仔迷彩好鬼死正 星期六見真身還是胸像先
回覆刪除[版主回覆10/29/2009 13:46:00]呢兩晚都冇時間砌, 可能連胸像都未有
Good job Good job!! The 迷彩 look very very nice!!
回覆刪除I have interest to try actually, but know that's spending a lot of time........!
[版主回覆10/29/2009 13:49:00]It took me a whole day (last sunday) to stick those tiny pcs of tape. Other than time consuming, I think everyone can do it.
very 骨.
回覆刪除喺唔喺星期六响Workshop有局?
[版主回覆10/29/2009 13:41:00]哦? ky你收唔到蟹sir的通知嗎? 星期六下晝約在 lastman那邊 workshop影月曆相. yaya都有出到blog:- http://hk.myblog.yahoo.com/ambroseyin/article?mid=23613
回覆刪除好靚
一d都唔怪
[F回覆01/01/1970 08:00:00]F
OK 喎而家！
回覆刪除唔可以收埋自已玩架！最好可以量產下啦......
[版主回覆10/29/2009 21:23:00]其實套山寨改件有好多位都未想清楚點同隻hg吉姆拼埋, 手術都唔知成唔成功o架~~~
終於上岸啦佢, 加油加油, 不過唔明你講咩擺埋一邊喎, 你咪噴色囉, 唔通仲有一隻吉吉? 繼複製人侵略之後, 有複製吉侵略?
回覆刪除[版主回覆10/29/2009 21:27:00]係呀, 我會用套山寨改件再砌多隻炮吉! (不過唔知幾時....)
KEI 兄是不是想上色類似的? 想不到進度已經那麼快了. 已經到了上色楷段了! 加油, 期待上色最後的完成品!
回覆刪除[版主回覆10/29/2009 21:32:00]你隻係真正數碼迷彩, 我隻只算係祖國版..... 國慶嘛 我呢隻07年開波, 都係時候埋尾了.....
出來嘅效果都幾好呀！
回覆刪除[版主回覆10/29/2009 21:34:00]我都係想到就試o下造, 都算ok啦
個花好正!!! 如果複的話複多幾隻啦~ haha
回覆刪除[版主回覆10/29/2009 23:22:00]ya大, 複多幾隻我冇問題呀, 複出來搵人砌至係問題呀 等睇埋我山寨改件作例至講啦~~~
色水好靚啊~~
回覆刪除[版主回覆10/30/2009 10:09:00]thx!! 有機會俾實物你睇就知麻麻地
數碼迷彩又幾夾炮吉....
回覆刪除值得參考...
[版主回覆10/30/2009 20:03:00]我都唔知o架, 都係撞手神~~~
得喎又幾夾喎,係呢點解唔覆埋個身呀
回覆刪除[版主回覆11/08/2009 23:19:00]限於小弟技術未到家, 唔敢複成隻, 只係複o左主要改造部份....
VERY "吉"！！
回覆刪除[版主回覆11/11/2009 12:23:00]thx!! 蟻兄下隻砌乜呀 ??
工程愈玩愈大...!!期待!! 期待迷吉~!
回覆刪除[版主回覆11/11/2009 12:24:00]係囉, 真係自己都想唔到, 搞到一鑊粥咁~~~
正吉 !
回覆刪除城市迷彩就要城市場景 !
我一般會保留原件 , 先用複件 !
怕如果再開新模複會縮 !
[版主回覆11/11/2009 12:29:00]嘩~~要搞埋場景的話以我速度真係西九起好都未砌起喎..... 哎吔, 你所講呢點我真係唔曉, 多謝提點