哥邦迪β-製作中_06@笑笑團2010

上個禮拜三參加唔到個笑笑團小前奏,
感受唔到各團友團洪洪烈火, 個人當堂灰晒....
唯有默默在家龜速砌o野~~~ <= 藉口來吧!!

之前予算隻邦哥一月中可完成大部份改造, 都可算係做到.
家陣唔駛靠'寶貼'都可以自已站穩.
四片裙甲的連接位完成. 正面睇兩片前裙甲造型唔係咁靚, 要再修改.

後裙甲太長了吧.... 要改成迷你裙.

算可以做到拗腰突j啦.

再玩'夢畢', 今次用來填個膝頭哥空位.
見個空位咁大, 齋填滿感覺上有d寡.
就隨手拿來一合意的parts, 壓個凹位落去先.

乾後再削走多餘部份, 磨平即可.

咦? 仲有用剩的夢畢喎....
一於唔好浪費, 找來之前用自由樹脂造的單面模,
試試壓入去睇下複唔複到件先,
哦?! 又ok喎. 

只餘兩個多星期就到笑笑團, 要全隻完成已太奢望....
砌得幾多得幾多啦~~~

旺角富聯有Evergreen膠條/片賣

小弟在旺角返工, 食完晏都會無無聊聊四圍行, 當中必不可少會行下模型舖. 而早排上富聯聽阿老細話佢有熟客問起evergreen膠條/片, 所以就入o左批試賣, 會月中到貨. 當中會有d其他舖較少見o既品種. 今日再上去見佢貨已到, 但老細話佢未有時間上架, 所以我仲未知價錢平定貴. 我呢兩日會再上去look look.

各位有意買d 較偏門的evergreen出品就要襯早, 皆因老細話有一半貨已俾熟客預訂. 如唔得閒去旺角我亦樂意為blog友們代購,  煩請上去evergreen個site查埋個item no.俾我睇下富聯有冇得賣, 俾埋個可接受價錢上限我, 如我見售價低於可接受價就扑鎚成交, 遲d睇下幾時再約交收, 又或係207當日面交吧.
[市場參考價(英明, 千里達)膠條$24左右一包, 膠板$35左右一包]

[19-Jan-10 update]

今日再上去睇, 大部份貨仍未上架未標價.... 不過我就口頭問o左老細, 膠條約$22, 膠片就$34. 我就唔客氣自己郁手揀o左1.0mm & 0.5mm黑色膠片($23@)各一袋. 過兩日等佢攪掂晒再上去睇睇有咩o岩駛先.

爽約的我, 真係唔係幾爽....

今晚原本約了幾位(定係十幾位?)blog友出來傾o野, 點知'詩佛莊郡' (非地名, 解作"有咁o岩得咁橋"也, 其來源不可考), 千年都唔OT一次的我, 今晚竟遇正公司有大搞作, OT至夜晚十點半至收工, 再致電YA大無奈已曲終人散, 與各位大大(及其作品)緣慳一面~~

邦哥, SORRY, 要你屈在膠盒內一整日仲要冇得出來見人.

[嗚 ~~ 又話帶我出來見見鄉親父老, 呃人o既 ~~~]

哥邦迪β-製作中_05@笑笑團2010

各位blog友,
2010 新年快樂!!

小弟09年都冇砌起過幾多隻模型, 都係無謂做年結....
一於出進度好過啦~~

哥邦迪的身軀及四肢大致如此, 手尚欠膊頭及手掌. 腳則欠腳掌.
頭呢? 搞緊但未影相.

背面的相可見到佢全身都係夾口,
已經大'pat'大'pat'的補上AA膠+爽身粉, 蒞緊真係有排磨....

簡單的小腿內骨

裝上內骨後打橫穿條膠條就ok了. 將來定好位就會黏死佢.
另外, 亦可見到夾口內側要黏上膠片補強,
呢個係砌好多舊模唔可以違漏o既工序.

原本只係浮雕形式表現的'腳瓜囊'百葉簾式噴射口,
會用蝕刻鋸分造四片再黏返原位.
內側要補造內構, 但又要唔好頂住腳板活動...(正在頭痛中)....

原本的腳踭(右)嫌佢太大件, 一定會頂住影響活動範圍,
改以HG強人的腳踭(左)加闊代替.

仍未完成的腳掌
各位應己睇得出我會點改了.

嘩~~ 係咩蒞o架??
咪就係一對俾我切到散晒o既膊頭o羅!
又要用膠片加闊, 又要拼返埋佢.....(頭痛加劇中)....

預算一月中改起晒佢.
(不過我d預算不嬲都信唔過~~)

P.S. 以上各圖所見黃色的東東就係傳說中的'夢畢',
試過真係幾好用,
實在係改造恩物!!

各位團友, 努力呀!!
2月7日好快到!!