渣古大炮-製作中_08 暨 BLOG友笑笑團

呢幾日見大家都來07年結, 好不熱鬧!!
小弟07年只係得隻144 特吉砌得起,
都係無謂獻醜.... 不如post個進度啦.

剛過去o既聖誕假期間已經密密手砌,
但都係冇咩大進展~~~
睇唔見o既係搞o左d關節位,
睇得見o既就係背包左右拮o左兩個長方體.
(支炮只係從舊渣借來映映相, 實物就仲係企劃中....)

呢兩個長方體就係原設中o既飛彈匣.
原件可能係個模使用經年, 表面凹凹凸凸, 真係睇見都眼冤!!
索性自製好過....
仲有就係原件冇乜可動性, 咩pose都擺唔倒.

「飛彈齊射!!」~~

為o左擺上面個pose, 加o左對機械臂連接住個背包.
(搞到有d 暴風高達feel ~~~)

背包分件. 機械臂關節係壽屋補品, 炮管係銅管.

暫時係咁多交o下差先~~~
寫呢篇blog時已踏入了2008
祝各位『今年好過舊年,
      模型成品砌多兩件』!!

My聖誕禮物

上個星期有日走o左去紅磡睇高達展,
當然, 最主要都係去睇o下blog友yaya的三國BB參賽作品啦.
仲有就係去睇睇Ka的專題展覽.
(有d失望, 只係將Gundam Fix的商品大堆頭擺出來就算~~~)
因係臨時即興去睇, 所以冇帶相機, 冇影到相....

睇完展覽自然買o野癮就來了!!
現場商品較貴, 唔多o岩我呢d"枯寒鬼"~~~
就走去黃埔 "奇趣屋" 逛逛, 順便買聖誕禮物送俾小朋友.
見有特價品:- 綠勇士$70, 陸巾$70, BD-2$65.
應o下節入了綠勇(自家用)&陸巾(送禮用).
再見佢d笨大水貼任何款式都係$20(不過唔算齊款),
又買了兩張旁o下身.
錢花了.... 安樂晒了....

今晚係"平安夜", 我就好想平平安安在家中砌模型,
(不過睇怕可能性低d, 都係會被召出去迫一輪~~~)
響度都祝各blog友:-

Merry Christmas!!  

渣古大炮-製作中_07 暨 BLOG友笑笑團

又係差唔多時間要update o下進度了....
隻炮渣外觀上仲係冇咩改變~~~
我只係搞緊個盾同個背包.

 

個盾頂部份做o左個活動位, 可調較角度.

 

由四個部份合成的盾, 內側將會用膠片追加細部.

 

個背包終於開始動工!!

 

彈匣從原本個背包切出, 想改成可裝拆式.
背包上半部用膠片自製, 下半部則移殖自渣古背包.

 

切下來的半個彈匣壓入自由樹脂做成模.

 

在模內塗上小量"凡士林"作為脫模劑, 再用原子灰填入,
我將佢就咁反轉壓出多餘原子灰就放著待乾.

 

另外, 要造出背包上彈匣裝入o既凹位.
先在卡紙上圍出個四方形空間.
(相中我用o左小女做勞作用剩o既四方形有黏力膠粒)
在入面填入原子灰, 再用塗上"凡士林"o既彈匣壓入去.
待乾後取出彈匣.

 

嘩啦~~ 現時o既半製成品, 第一次試玩算合格啦....

 

分別在彈匣內&裝彈位凹位背後加上磁石,
咁就可以玩裝卸彈匣了!!

 

再交待個透明觀景器造法, 其實就同上次水渣差不多,
但由於炮渣觀景器係360度,
比較難之處係成個圓唔可以有摺位.
之前試製時見失敗率高,
索性走去d賣膠袋, 膠器皿鋪頭幾蚊雞買o左15個膠"dull".

加熱後壓落用混合畢地製好o既模上.

試o左 8, 9 個終於有個用得o既.
(to小朋友們: 要小心火種!! 亦唔好燒到自己呀!)

背包完成後跟住會搞支炮&腰間導彈發射器.
之後至開始填畢地打磨.... 尚有好多功夫呢~~

有的笑笑團blog友已開第二隻了, 我就連半隻都未有~~~
要開始發力了!!