渣古大炮-製作中_04

     ^呢個係crabchiu兄發起的砌144活動, click來睇睇!!

呢篇係小弟Yahoo blog改版後的第一篇blog, 仲未係好識用呢....
(唔知點解搞來搞去d字都係bold晒??!)
前排砌完隻特吉,  好想繼續玩0083入面d機體
(e.g. RGM-79C, GM Cannon II....)
但幾經掙扎後都係開翻隻呢隻炮渣,
皆因再攤凍d我怕自己真係唔會再拎翻起砌了~~

講翻隻o野先, 看上去暫時同之前post在 渣古大炮-製作中_03 的冇咩大分別,
已加工處主要有:-
1. 對腳瓜已經嵌埋o左& 裝上膝頭, 仲差大量打磨工作.
2. 對手臂決定用B-3老虎上截加渣古下截, 會較似原設定.
3. 心口加o左個大駕駛倉蓋.

超花時間o既係對腳瓜d散熱口葉片!!
塊塊唔同大細, 要逐塊cut, 度位再cut X N次=>黏實, 真係怕怕~~
仲有原本o既腳部裝甲好似紙咁薄, 要用0.3mm膠片加厚.
呢d細部週不時都係得砌o個個知花功夫, 睇o個個就一d都唔覺....

佢個"哨牙樣"好鬼搞笑!!
(改好後唔係咁樣o既....)

仲有好多o野掂都未掂過呢!!~~~(e.g. 背包, 支炮, 腰間火箭莢倉....)
呢隻o野以咁o既進度睇怕最少要砌多半年了.....