大家可能奇怪隻吉為何仲有篇"製作中",
理應係"完成篇"至係~~
我原先都諗住係咁o既, 但係出了少少問題....
隻吉噴o左半光油後上埋水貼,
原本跟住再上層啞透明油就可收工大吉,
但係早兩日我用噴罐裝郡仕啞光油時,
又出現發白龜裂狀況!!
當天(週六)天氣幾好唔潮濕,
所以估計今次應係我重手噴得厚得滯....
只好怪自己砌o野太少, 上色手勢唔熟手~~
好在只係噴o左d關節位而唔係主體, 翻執都冇咁傷.
咁o岩早兩日睇o左KY兄blog的製作過程,
(詳見 AC-05 上色報告)
見佢又遇到啞透明油發白龜裂情況.
文中提到轉用Testors啞透明油可能較好,
家陣想等埋KY兄個"Testors透明啞油用家報告"至敢再開工,
因為勁唔想撻Q衰收尾....
圖中左邊膝關節就係發白龜裂, 要翻噴了!!
右邊的就OK.
另外, 多口問句, 有冇blog友會去"笨大"開倉呢??
一把年紀的我唔係去排隊買限量o野,
只係想去襯o下熱鬧o者....
我諗住 26號 and/or 30號 去, 有冇人join埋一齊吹o下水??
最後響度先祝各blog友: 中秋快樂, 人月兩"臀"圓!!
你好. 特地來祝你中秋節快樂啊！！
回覆刪除白龜裂件件其實都唔錯，有舊化感，其實也不用再噴啦。
回覆刪除咦~~咁要將冇事o個件都整埋龜裂至對稱喎.... 相中出事o個件已係用2000號沙紙磨過&噴了半光油, 不過都夠唔翻~~~ 其實件parts 都係嵌入膝頭入面唔多覺眼o既, 我只係打算面薄噴灰色算數....
回覆刪除真係唔好彩...睇嚟依排好多模型友都有阻滯 ...點樣可以避免白龜裂
回覆刪除係呀，我都有阻滯，因完全無進度。
回覆刪除我就等緊gundam00 o既hg模型,呢輪頂多砌下sd ,哈哈!
回覆刪除我都响道望天打卦，等等等，今早又特然下了一陣大雨，都怕要過多两日至得啦，希望這個Testors用家報告可帶給大家新希望啦！ BTW喺唔喺30号去笨大，幾多点？响邊到等？請覆 kyam601@yahoo.com.hk
回覆刪除近期咁多人興玩爆膠,白化,龜裂 .滲完線上完水貼好靚仔.Testors啞油我都買咗但唔識用,同埋勁臭,都係等報告.
回覆刪除今日憨居居2:00貢到去青衣開倉o個度, 嘩了一聲~~~ 原來樓下仲係打晒蛇餅!!! 我諗都冇諗, 就掉頭翻屋企了....(好在住荃灣近近o地) 翻到屋企見天氣唔錯, 就幫隻吉上啞光油. 搞掂就post上blog俾大家look look. 回KY: 30号okay!! email再聯絡: ball_rb79kei@yahoo.com.hk
回覆刪除好彩無去....唔係車費都蝕埋
回覆刪除中秋節快樂……遲咗…… 30號幾多點呢？
回覆刪除回crabchiu: 暫時約住11:00先, 已email 你& KY.
回覆刪除