各位blog友,
2010 新年快樂!!
小弟09年都冇砌起過幾多隻模型, 都係無謂做年結....
一於出進度好過啦~~
哥邦迪的身軀及四肢大致如此, 手尚欠膊頭及手掌. 腳則欠腳掌.
頭呢? 搞緊但未影相.
背面的相可見到佢全身都係夾口,
已經大'pat'大'pat'的補上AA膠+爽身粉, 蒞緊真係有排磨....
簡單的小腿內骨
裝上內骨後打橫穿條膠條就ok了. 將來定好位就會黏死佢.
另外, 亦可見到夾口內側要黏上膠片補強,
呢個係砌好多舊模唔可以違漏o既工序.
原本只係浮雕形式表現的'腳瓜囊'百葉簾式噴射口,
會用蝕刻鋸分造四片再黏返原位.
內側要補造內構, 但又要唔好頂住腳板活動...(正在頭痛中)
....
原本的腳踭(右)嫌佢太大件, 一定會頂住影響活動範圍,
改以HG強人的腳踭(左)加闊代替.
仍未完成的腳掌
各位應己睇得出我會點改了.
嘩~~ 係咩蒞o架??
咪就係一對俾我切到散晒o既膊頭o羅!
又要用膠片加闊, 又要拼返埋佢.....(頭痛加劇中)
....
預算一月中改起晒佢.
(不過我d預算不嬲都信唔過~~)
P.S. 以上各圖所見黃色的東東就係傳說中的'夢畢',
試過真係幾好用,
實在係改造恩物!!
各位團友, 努力呀!!
2月7日好快到!!
你今次好重手喎，一下子就劈到部機這麼散，要還原就真要有很大的耐性。加油！
回覆刪除[版主回覆01/02/2010 14:52:00]真係有d似砌 puzzle.... 仲要係一日未砌出來一日都唔知係咩樣呢度好玩~~~ 至於耐性我就真係只限砌模型, 其他咩排隊等位等等我真係一d耐性都冇
果然係大工程 ...
回覆刪除全身都要改,得一個月時間,好趕喎...
[版主回覆01/02/2010 14:53:00]上色方面我諗住丁點花巧都冇, 希望夠時間啦~~
大手術~ 但係手術完一定係靚仔一名~
回覆刪除波哥新年快樂~
[版主回覆01/02/2010 15:01:00]靚仔唔靚仔都好, 家陣成隻散晒都冇得返轉頭. 只怪佢入o左黑店落入我呢個庸醫手上
Ball記大手術呢…其實腳瓜囊內構個道只做尾位(近腳掌果邊)防走光係咪會唔駛咁辛苦同頭痛呢？
回覆刪除但是點都要同你加加油先得，加油加油呀！等你嫁！！
[版主回覆01/03/2010 14:59:00]腳瓜囊內構真係未決定到, 要等我砌起埋隻腳掌睇睇有幾大內部空間至知.... 多謝你的加油啊! 你隻Z上色未呀? Z小隊我做o左逃兵~~ 要靠你撐場了 !
波波好野! 加d火吧!! 現時看來, 大腿比小腿更長?
回覆刪除[版主回覆01/03/2010 15:02:00]呢幾日要在家中陪小女準備考試冇得出街玩, 已全力砌o野中!! 大腿比小腿長應係相機marco所致, 實物ok喎.
星期日去唔去WS呀？
回覆刪除[版主回覆01/03/2010 15:05:00]呢幾日要在家中陪小女準備考試冇得出街玩 你有時間可否俾個電話我呢? 係有關ws的事.
同全自製差不多喎.....
回覆刪除[版主回覆01/03/2010 15:09:00]我未有全自製功力呢.... 有副舊模依住改簡單得多. 昨日來唔到真人show睇你隻白狼真係可惜呢~~~
我隻尼姆有拍擋了
回覆刪除[版主回覆01/03/2010 15:13:00]拍擋?! 係敵人至真!! 我泰坦斯必定要將奧干連根拔起!!
隻白狼今日出左post.
回覆刪除http://hk.myblog.yahoo.com/kyam601/article?mid=3533&prev=-1&next=3519
[版主回覆01/03/2010 20:33:00]收到!! 即刻過去睇好o野先
我都要快D開返功至得囉...
回覆刪除[版主回覆01/03/2010 22:50:00]你去完旅行义足電一定事半功倍 .
我打唔到俾你呀，我個芒爆左，只能接，不能打出(見唔到D字)，你打俾我好嗎？謝謝。
回覆刪除[版主回覆01/03/2010 22:48:00]ok, 明天打俾你.
拆到散晒，好大陣象喎！努力啊 ball兄！支持你 ！
回覆刪除Happy New Year
[版主回覆01/03/2010 22:56:00]oh, 係喎, 未俾電話你tim. 小學習作小四有人要o左, 小一&小三你仲o岩唔o岩? 我已放在旺角自己office, lunch或放功時候可以call我拎俾你. 又或係電話再約時間都得.
居然係砌舊模 加油~~
回覆刪除[版主回覆01/04/2010 09:12:00]除o左隻30巾, 我都係獨孤一味改舊模....
新年快樂! ^^
回覆刪除[版主回覆01/04/2010 09:12:00]2010快樂!!
新年快樂! 年頭就分屍???大吉利是咩!!! 照進度黎睇207應該有可以完成
回覆刪除[版主回覆01/04/2010 13:40:00]唔係分屍, 係纖體+塑形o者.....
207希望砌得幾多有幾多啦~~
可望完成既師兄... 你要加把勁~~~
回覆刪除[版主回覆01/06/2010 11:54:00]起得幾多得幾多啦~~
勁呀波波大師~玩舊模真係要好大根性先得
回覆刪除加油呀~
[版主回覆01/06/2010 20:13:00]改舊模我鍾意佢有高可塑性, 仲有個好處係好難砌得醜樣過原件
嘩! 真係大執過黎喎!!! 趕得切笑笑團麻?
回覆刪除[版主回覆01/12/2010 23:59:00]大改的地方就差不完成, 跟住就進入無縫打磨地獄了. 都係砌得幾多得幾多啦~~
咁大規模矯形工程！ 207前攪唔攪得掂呀？
回覆刪除[版主回覆01/13/2010 00:00:00]唔緊要啦, 砌唔起都可以帶來交流o下嘛(自我安慰的說)...
波波，d 壽屋手你想我放番係 ws 定係笑笑團比你？
回覆刪除[版主回覆01/14/2010 02:06:00]麻煩你放在ws俾我, 錢方面你鍾意可在下次交租中扣返或見到面俾你都得. thx!!