之前改隻炮吉外型自己都算滿意, 奈何就只得一千零一隻~~ 而我仲想砌多一兩隻噴唔同色呢
~~ 唯一可行方法就係自家複製. 加入WS其中一個好處就係可以玩大大壇實驗品, 上次試複個積根頭係我第一次矽膠製模經驗. 今次就膽粗粗搞大壇d, 試複隻炮吉改造部份自製"改件". 當中遇到一大難題係唔知兩條小腿可以點複.... 早幾個禮拜在WS"藏經閣"閒晃時就俾我發現此期電擊, 居然有教矽膠製模, 仲係原全合用
!!? 咁就OK晒, 一於動工
.
先在通窿的小腿內填入油泥, 再用一片油泥包個雪糕筒. 下方固定在油泥上, 再倒入矽膠. 圖中見的深啡色油泥較硬身, 比較適合此用途.
矽膠乾後除去油泥.
這就得出兩件可套入原件內的矽膠模件, 左右要打記號區別. 圖中亦可見填入小腿內的淺色油泥.
另一端重做以上工序(另一端矽膠模已於較早時做好).
至此小腿上下兩個矽膠模具完成.
稍稍修改外型後, 再在上面雕出定位孔.
右胸炮座位置亦以上述方法造出凹位矽膠模具.
雕出定位孔及以油泥填入空位.
先預計模具大細.
將原件壓入油泥及加入膠條作入料槽. 再壓些圓洞作定位柱.
為小腿及支炮製作另一個模. 預製的矽膠模具上記得要塗上脫模劑(圖中可見綠綠地的即為脫模劑), 否則矽膠與矽膠之間會黏實. 隨後就可倒上矽膠.
下圖是之前造的單面模. 頭部因只會複製後腦部份, 故會以單面模複製. 因原件冇打算做複件, 故已黏上天線. 原以為可用刀切開矽膠模拔出原件, 但最後都係弄斷天線收場.... 經驗不足呢
!!
過幾日等矽膠乾透再上去WS睇睇結果係點先. 祝我好運吧!!
沒有留言:
發佈留言