渣古大炮-製作中_06 暨 BLOG友笑笑團

雖然進度好少, 但都請容許我"強行更新"一下.
(不過就梗係冇華佬的強行更新咁精彩啦~~)

近排都好似冇咩energy 砌o野似的,
有幾晚都冇埋過檯搞佢....
可能係冬天吧, 凍凍地不如上床睡覺去 
有新o野入手時,
走去素組一o下之後又要按捺住停砌隻渣o既念頭,
真係折磨呀!!!

講翻隻渣先, 個頭加埋個髻剛開始成形.
不過入面觀景器因未吸好個透明件所以未郁過~~
(原本已在多次失敗後有個成功的,
但又俾我手重裝入去時整鬼爛....)
另外, 對手臂改來改去亦覺唔順眼, 家陣又加翻粗,
早知就咁用B3老虎的加粗就慳翻好多功夫!!
原本綠渣條裙棄掉用FG紅渣的代替.

個盾就係上篇相中兩個FG渣盾的合成物,
仲未做好, 黏住膠紙試o下位先....

早幾個月買的自由樹脂都未試過點玩覆件,
用新買來的壽屋補品試o下先!!
(皆因呢set渣古膊頭釘同一大細型狀的,
就真係只得三粒咁大把!!)
有興趣試的blog友,
可參考可羅索兄的詳細教學課程: 自由樹脂及原子灰覆件
*因試覆件時未有拍照, 以下相都係後補的.

把部件壓入加熱變軟的自由樹脂, 等佢冷卻.

今次再試用雙星光硬化畢地, 將畢地壓入成形的模內,
放在陽光中曬了個下晝再取出.

左兩個ok, 最右的尖尖有氣泡失敗了~~
因光畢地係牙膏狀, 我已用牙簽在模中輕撥等空氣可走出來,
可能係攪得唔夠啦~~

好啦, 係咁多先. 離聚會仲有半年, 夠時間o卦~~~