哥邦迪β-製作中_04@笑笑團2010

哥邦迪正式復工~~ 要盡趕笑笑團!!

上圖係靠'寶貼'黏住至企得起身, 實情進度冇咁多~~

又係大時大節日子, 借此機會祝大家:

~~ Merry Christmas ~~

                  &                           

~~ Happy New Year!! ~~

冇咩搞, keep複ing....

成個月咁耐冇update係因為冇咩搞過.... 曾經想話砌隻Zeta, 但小量打磨刻線之後就又冇晒mood提唔起勁~~ kog小隊長, 今次任務我可能缺勤!!

期間都有keep住每個禮拜搵晚上ws搞搞複件. 記得之前我好似冇出過雙面模製作期間的相, 今次就post幾張來充撐一下場面, 各位請忍受一下吧.

上個post見用油泥做的base及排好的原件, 倒上矽膠, 等乾後就可以"拆牆"了.

再慢慢分開油泥及矽膠模(因唔記得影, 下圖用了另一set模的相).

跟住就係在矽膠模上塗離模劑, 再圍牆, 再倒矽膠. 下圖已經係再次拆牆了.

分開兩邊矽膠模要小心唔好夾硬來, 然後用美工刀執闊d氣道.

不過今次個模有缺陷, 有個位入唔到矽膠留低個窿

第一次複無視之, 用油泥塞住個窿照倒料, 成功!!

第二次想話開始量產手掌, 哎喲~~ 泄料!!

量產計劃終止~~ 直至補返個窿啦.

隻哥邦迪已被我掘返出來再起動, 一有多d進度就會出post. 我估聖誕左右啦

ws友們, 行過偉業街要行快兩步!!

今晚上ws途中, 行到偉業街ws位處的大廈出面行人路,
見到有警察封路, 原來係大廈某層有石屎跌落蒞.

邊層跌就睇唔到, 好可能係來自石屎簷篷位.

睇見舊石屎大的都有拳頭咁大o架!!
呢座大廈外牆日久失收, 各位ws友行過要小心小心~~

上到ws搞搞上個禮拜開始o既複模.
第一壇係試複幾隻HG手, 成功的話就以後唔駛再煩去邊度搵144手.
當然啦, 力求完美的同好會買首辦手,
我就求求其其希望粗粗地有得用就算.

第二壇係受島主兄所托複製FIX的槍.
呢幾支槍我都會o岩用, 咁就到時順手複多幾支.

自己差不多有兩個禮拜冇點砌模型, 都係時候開番隻Z來砌....

笑笑團外傳の高達30週年無國界小隊之『大成功』!!

相信大家呢兩日都已經睇o左唔少有關08/11活動當日o既網誌或論壇post,
小弟亦都唔例外. 巡blog+回覆+頂post 都花去成兩晚時間.
冇計啦!! 活動雖完結, 但我心仍係熱熾!!

此篇blog相唔多亦唔靚
(有tempo, 夢大師, king sir佢地我不如藏拙好過啦),
所以只可以算係小弟的記事, "牙痛文章"一則.

近一兩個月真係冇停過手砌模型, 十月初已砌起隻30巾,
但係件月曆相作品仲係冇著落.....(鬼咩, 今年都冇起過成品)
咁就唯有唔好俾佢停趕起隻炮吉去"接招".
一路密密手點知都係砌唔起, 錯過o左上次31/10年曆拍攝.
咁就唯有再趕在08/11當日借大會個影棚補影返.
今次真係唔miss得!!

亦由於好一段時間冇陪兩個囡囡(一個"大"女, 一個細女~~),
所以早前就預o左成家07/11去澳門睇台灣組合FIR的演唱會.
我o地因怕唔熟地頭, 唔敢即晚夜船回港,
所以會在澳門住一晚至第二日08/11至走.

咁就死火嘞!! 隻炮吉又要趕工,
08/11下午又要趕返來參加聚會. 真係好"mun"水喎~~~
而結果, 就係以下歷程:

02/11(週一)至04/11(週三)晚: 滲線&舊化

05/11(週四)晚: 細執後上光油

06/11(週五)晚: 上水貼

07/11(週六)上晝: 噴啞透明油. 下晝過澳門, 當晚聽concert.
(btw, 個concert好正!! 主音Faye唱足幾個鐘快慢歌都冇問題,
估唔到我個女第一次聽concert已咁高"呢",
都唔知佢以後點聽某些冇氣歌手唱live....)

(週日)上晝: 搭10:30船返港, 趕返屋企拆噴油膠紙&砌起隻炮吉.
帶埋隻30巾就去城大赴會!!

咁趕為乜?! 就係為左呢一刻囉~~~

部份膚淺傳媒只知港男愛o靚模, 殊不知港男更愛靚模啊!!
你睇, 有相為証.

一早約好kent哥影的合照-- 全場唯"二"的兩個自護代表.
『一遠狙一肉搏, 一定可殺出重圍!! 兄弟, 上!!』

至於隻炮吉呢.... 老實講, 仲係95%完成度.
仲未有手掌(影相當日要借住30巾對手...), 個背包亦未有噴咀.
槍同個盾更係未開工....
都係留返100%至同大家見面啦!!
(不過到時可能已經出月曆咯~~~)

同志們, 仍需努力啊!! 仲有笑笑團正日o架!!!