吉姆大炮-製作中_01@笑笑團09

蟹sir吹雞, blog友笑笑團09始動!!
為了隆重其事, 小弟奮然新開一隻144以表敬意!!!
(舉辦笑笑團宗旨之一, 不就是為眾blog友開新火頭and/or
完成舊火頭提供最佳藉口嗎?!)

說實在....事沿係小弟再開隻1/144哥邦迪時,
眼見它只係一堆支離破碎散件, 實在有點眼冤~~
自己心知手腳慢, 半年時間未必足夠完成它....
為免到時又再度得隻半成品出場,
都係整一另隻較有信心可準時完成的.

小弟不材, 只此一招, 冇錯! 又係MSV+HGUC合體技.
(如係悶親大家, 就真係唔好意思了~~~)
今次係RGC-80 GM Cannon (吉姆大炮)!!

圖中右邊紅色舊MSV係來自早幾年Z巾電影版上畫時的復刻版,
(見下圖) 上次隻炮渣亦來自此版本.
外型要出得比炮渣好得多, 小腿, 支炮, 右胸都可移植過HG身上,
預計會少好多工作量啊.

順帶一提,
好多模友見我終日(唔止'日', 應係'年' ~~ ^_^")都在砌渣古,
以為我係渣古fans, 實則我係真正身分係吉姆fans啊!!!
(可能係此機個面相唔多英氣, 令我有種莫名的代入感吧~~)
而吉姆當中我尤其喜歡呢隻炮吉.
(數年前開始上網bid MSV舊模型時, 佢就係我第一目標!!)

B-Club老早就出了用在HGUC吉姆上的炮吉改件,
其外型亦出得十分之好.

但始終好想自己動手改一隻..... 算係種執念吧~~~
製作上我會依樣葫蘆跟著設定改, 唔會有咩花巧了,
多個位置如足踝會參考B-Club套改件,
所以驚喜度&原創性一定冇前作咁高~~~
好處係用半年起貨應冇問題吧.

暫時只係切開o左HG吉個右胸,
夾埋MSV個炮座又幾fit位喎....
哈, 又慳番d功夫!!

渣古大炮- 完成!!

多得'鸚鵡'襲港, 無端端多o左日假期!!
咁就乘機幫隻炮渣完成埋d手尾&幫佢影翻幾幅相.
隻MG炮渣都好似已經街有得賣了,
再唔出相人地就實以為呢隻係新出隻MG.....

除低個盾影o下支大炮.
可見到對收起o既機械臂及兩支飛彈發射器.

背包個彈匣可裝拆.
個彈匣上色唔係幾好, 遲d會再執執佢.

盾上個MSV水貼多謝West Turtle兄送贈
水貼係魔鬼兄的出品.
不過小弟真係無知, 今日造舊化時用沾了X-20棉花棒掃o左兩o下,
個水貼當堂脫色!! 真真正正被'舊化'了~~

上色&砌起後都未試過玩呢對機械臂, 家陣都ok.

搞對機械臂就係為o左呢個pose.
要再喊多次: "聯邦軍戰機?! 放馬過來吧!!"

製作意念就係來自呢個box art.

好嘞,
呢隻06年尾砌到宜家o既龜速跨年客串電擊作總算告一段落,
多謝各blog友一直支持&收看
多多指教!!

我返來了....

小弟因工作關係上o左祖國六日, 剛過去的星期六才返港.
期間冇電腦用, 所以"潛水"潛足一星期~~~
好在睇CCTV播奧運睇足咁多日都仲未覺悶.

返到屋企開翻個blog睇o下, 嘩~~~ 發現眾blog友都好勤力喎,
日日都有十篇八篇blog,
睇埋d搞笑回應都真係睇足半日都未睇得晒!!

原來蟹sir發起o既"笑笑團"又再開鑼,
今趟真正要用隻1/144哥邦迪 會一會大家.
其實電擊後都已悄悄地再開翻呢壇o野,
不過都係d修修補補工作, 冇多少進展.

係.....仲有隻98%炮渣.....
睇o下幾時有心情搞埋佢至影相俾大家睇睇.

嗚嗚~~~ 嗚嗚~~~
(已然暫時解體的炮渣在膠盒中悲鳴著.....)

MY電擊作2008- 失敗後記

話參加電擊都有不少時間, 忙了一大輪都只係得隻炮渣,
仲要係99%未完成版!! 連個地台都冇~~~
睇睇31/07交件的相:-

(因冇帶相機, 只好借蟹sir的相一用)
嘿.....到o左現場至見到原來漏了幾個小噴咀....
究竟點解搞成這田地!?

唉, 都係自己眼高手低所至~~~

原先係想做一個小情景,
而個情景的製作意念係源自Zaku Cannon 1:144模型的boxart.

除此之外, 說明書有張插圖見到渣古大炮身後係有隻跟班---
MS-05 '舊渣古' 正準備幫佢換彈藥.
事實上炮渣設定中彈匣在背包後部,
所以冇個 '阿四' 跟住佢尾就跟本冇可能再裝填.
在一開始砌炮渣時就暗地裡有這個情景在腦海中,
因此至會搞出個可除下彈匣的背包.
不過就始終未立下決心將個情景製作出來,
只係想快點完成隻炮渣.
剩下的 '舊渣' 及地台就睇睇何時有心情至後補吧....

到了五月的 '笑笑團' 隻炮渣仍未起貨.
其間又幸得蟹sir等一眾blog友鼓勵/鼓吹參加電擊,
橫豎小弟一把年紀都未玩過電擊,
就乘機立志將這情景做出來吧!!

拖拖拉拉延至死線前兩星期至開始砌隻舊渣,
原本係諗住直砌隻HG快快完成就算,
不過, 大家都估到係咩事了....
小弟劣根性發作!! 就係 '唔改唔舒服'.
另一要改的原因係想隻舊渣同炮渣多點共通處,
希望能看出兩者承先啟後之關係.
其實我已經盡力按捺住唔改咁多地方,
不過....都係只有雙腳係直砌的....

由於改動地方仍然係太多, 直至交件前三天都未開始上色,
結果都係要放棄佢....

退一步仍想用隻炮渣加個地台參賽,
結果亦係高估o左自己....
畢竟我只係廿年前中學時做過一個地台, 真係唔多熟手.
交件前一晚幫地台上色時發覺效果同自己心目中差好遠,
真係唔出好過!!

連帶隻炮渣好多後期加工&細部都一再推遲至交件當天下午才匆忙完成~~
原先約了yaya 同蟹sir一齊'打的'過海都趕唔切去.
結果, 就係隻炮渣地台都冇個就要交件了.

幸好交件當日見到一大班同好及佢地o既佳作,
都過了個開心的下午, 自身'挫敗感'可以舒緩一下,
算係多個經驗啦....(自我安慰中)
自己做事一向time management好差,
今次又一例子.....

下週二取件後, 要再修改一下, 到時再影相出個post俾大家睇.
不過因冇地台關係, 希望隻炮渣呢幾日要頂住,
真係好驚佢會仆低跌爛件呢~~
如有下次玩電擊, 小弟一定會砌fix pose, 敢就唔駛咁驚了.

**03/08 update**

今日約o左蟹sir, dilaton, JKL, west turtle,
龍飛, 等幾位blog友到會場睇睇.
排一大輪隊至入到場, 但冇耐約4:00左右就封場讓評判入場評審,
好在都影了一兩張相.
工作人員都幾有創意, 幫佢擺了個好有'決心'的pose~~~
仲有將個no.貼紙在貼在背包
(見下圖)

在blog友教路下, 知道可要求工作人員開櫃俾我擺正個pose.
我昨天亦都走去招牌舖$1買了塊碎件做地台.
工作人員哥仔亦都好好人,
肯在評審前開櫃俾我擺正個pose &加地台.
用'寶貼'黏翻實對腳, 咁就唔驚佢pk了.....
由於唔好意思再阻住人, 冇影低相.

冇耐就見川口先生到場評分, 今次咁多佳作,
看來佢都幾頭痛呢~~~