HG 特吉-製作中_07.1

過去兩週因工作較忙晚晚OT的關係,
放工返屋企都好少埋工作檯....

進度係零咁滯, 所以只好來個 "製作中_07.1",
post 翻11Aug 版聚的半成品相來充撐o下場面~~

呢幾幅相仲要唔係我自己影的,
因現場件件佳作, 掛住影別人的作品, 自己的竟漏了招!!
(借用了谷友"生番"兄的相~thx~)

大抵上隻吉外形就係咁樣的了.
上色尚未完成 & 仲差滲線舊化及加上細部件等等,
功夫實在還差不少~~
在噴油方面因我實在係經驗不足(至今只有3隻成品而已),
發覺有些少疑問

我跟著上色應由"淺至深"這慣例,
隻吉o既裝甲內部未上色(預備噴中灰色)就開始噴淺綠主色.
現在輪到噴裝甲內部時就又要做一大輪masking,
攪到我十分納悶~~
(之前噴迷彩已mask了大輪~~)
掉轉上色就一定唔駛咁多masking工作了.
唔知各位o既上色次序又係點, 可否分享o下呢??

我亦帶了隻水渣去版聚, 大家對佢的評價亦十分正面.

現在我自己對這隻渣的感覺有點像"老戰友"般,
可能是大家都係透過佢開始認識小弟吧~~~

HG 特吉-製作中_07

滿以為今日會打八號風球唔駛返工可躲在家中砌埋隻吉,
奈何個颶風終究消失無蹤~~~

不過諗落查實俾多日我都係趕唔起,
隻吉都只係上了主色, 仲有好多工序至可完成,
看來週六版聚只好帶隻水渣去會同好了....

在主色加上沙黃色的條紋(都算係種草原迷彩o卦~~

),
選沙黃色只係唔想原本淺綠底色太單調, 又唔想太過搶.

版主初兄設計的海報都幾攪o野o架~~

HG 特吉-製作中_06

又來個每月一update!!

隻吉已進入噴油階段, 只上o左主色,
仲未決定噴唔噴多隻色做迷彩~~
因自己手腳極慢, 攪咁多花臣,
怕趕唔切11/8 newsgroup o既版聚.
如噴的話又未諗倒用咩色.....

其實淺綠底加灰色塊會幾好,
但上次砌隻水渣已用了這組合, 再用會好悶~~
真係諗到頭爆呀!!!

記得KY兄在他的blog 細水長流中寫過,
要在"慢功出細貨"&"打鐵趁熱"兩者當中取得平衡,
真係十分對....
好似我呢d一年都砌唔倒一隻成品的人,
每次最冇信心就係"上色"!!

每次都自覺如"新手"一般: 噴油開得唔夠稀, 噴漏位....
真係要增加成品數量至可以改進自己o既上色技術!!