吉姆大炮-製作中_10@笑笑團2010_上篇

(由於Yahoo Blog一篇只能出20幅相, 今次製作過程又較多相片, 所以會分上下兩篇出. 萬望大家睇完要多多指教一下)

上一篇製作過程講到倒矽膠製作雙面模的其中一邊, 而之後我亦再上過WS完成另一邊矽膠模的製作. 其中失敗之處係造第二面矽膠模時塗得太少離模劑, 以致兩面矽膠模分離時有黐模的情形, 導致模具有些損壞. 今次有經驗, 下之真係要大"pat"大"pat"咁落離模劑~~

呢兩套雙面模完成之後小弟試倒過一次cast. 由於之前冇帶相機到WS, 影唔到製模及開模的情況, 剛過去的週日(06/09)上WS倒第二次cast補影返相俾大家睇睇:-

下圖set模係複對小腿及炮, 可以睇到四件上一篇提到像捲"夀司手卷"般造出來的'子模' 拼入模中;

以及分離的情況.

另一set複右肩及裙甲等部件的模, 當中右肩亦用到"夀司手卷"法製的子模.

下圖左側的係複頭部後腦的單面模. 右側係複大小不同四方形噴射口的單面模, 只係整開順便整來複些備用零件.

先跳過倒cast的情況睇返第一次試倒的"成品", 第一set表面看似幾成功, 兩條小腿都冇大氣泡留低, 相信係個模開得足夠出氣道所至, 都不枉費我執個模執了幾小時.... (下一篇有開模相片, 大家睇過就會明白)

但睇真d~~ 嘩!! 原來支炮係空心咁滯!! 個模此位置要開多條出氣道至得.

另一set亦看似冇大問題, 實則係個模在倒cast時中心部份離開了約1mm, 倒出來的件有部份變厚變形, 原因應係我用橡筋捆住個雙面模時拉力令中間部位拱起.

可見到右膊頭炮座位一邊"牆"變得太厚. 細看之下內側細部可保留到, 即個模尚算合格. 但可惜係我開模時太暴力扯爛了子模的部份....

下圖就係頭部單面模複出的件, 尚要鋸去多餘部位至可用.

下一篇繼續講第二次倒cast的過程.