雖則話係黐件問題唔嚴重, 但係上次試倒cast後都發覺'子模'同cast件之間有些倒扣位係幾難分得開. 最後仲有一兩個位被我暴力地扯爛~~ 求教於富聯老細, 佢就介紹我用下圖最左呢支噴罐式離模劑. 佢話只要輕噴一層, 一支可以有排用. 咁我當然乖乖數銀過佢啦
..... 圖右兩支就係倒cast的散裝AB水. 
好! 來到真正戲肉倒cast~~ 先擺開個壇, 用膠板及橡筋扎好兩個雙面模. 為免好似上次般個模中心位有拱起狀況, 今次在橡筋下加多件積木壓一壓個中心位. 另外都擺好兩個單面模, 如果倒完兩個雙面模有cast剩就倒多幾件parts待用.
磅好AB水及攪和後, 就快快手倒模. 哎吔~~ 個漏斗位漏料啊!! 搞到冇料倒兩個單面模....真'side'料~~~
我穩陣放佢一兩個鐘至開模. 今次有用噴裝離模劑, 加上小弟小心翼翼咁開模, 果然係順利好多
.
開模後的情形.
注料管 + 件 + 出氣道 整體從矽膠模分離出來, 就更易見到成個佈局.
粗略地從注料管道剪出來的小腿部件, 可以見到底部注料管及頂部出氣道所在位置會將上下兩個子模圍住.
再小心剪走注料管及出氣道, 慎防整爛個子模.
再慢慢 'tun'返兩個子模出來就OK了.
右肩做法亦同小腿差不多.
在第一次試倒cast時整爛甩出來的部位唔記得帶到WS, 以致無法修補該部位. 唯有留返之後至加工雕返個凹位. 好在個破損位置係在背後唔顯眼地方, hehe....可馬馬虎虎帶過就算數.....
今次個炮座冇大細邊, 成功!!
從相中可以見複出來的件有好多瑕疵加大形水口, 肯定要又切又鋸大執至掂.... 今次睇怕又係另一
堆自己落火坑之舉!! 話雖如此, 以一個從未砌過手辦的"老年新手"來說, 能成功自製改件又真係一件幾令自人興奮的事, 我會俾自己90分
!!炮吉量產計劃尚有好多功夫, 打算要再做多一個雙面模複腳面甲, 背包等部件. (個背包我到今天尚未定形
....)好, 又要再動手砌隻30週年巾, 嗚~~~ 真係好忙咁呢
~~~
4400 忘記佢啦~~
回覆刪除波哥複得好靚, 俾著我已經係100分啦~
遲啲真係要向你請教吓~
[版主回覆09/07/2009 23:13:00]請教唔敢講, 大家研究研究就真.... yahoo blog上仲有好多 隱藏高手 未出聲(e.g.幾位電王), 大力士兄你提問, 各位肯定會傾囊相授啊~~ 至於d件, 下次出來俾你look look就知唔多掂檔了 ....
好野﹗﹗好野﹗﹗
回覆刪除[版主回覆09/07/2009 23:23:00]你係咪話阿波 堆自己落火坑 呢下好野 ??
我都好想學下覆件.唔知要買幾多野呢?
回覆刪除可否介紹下?How much?
[版主回覆09/07/2009 23:50:00]我懶d冇格價, 去旺角中旅對面2樓間富聯入晒所有用品. 最簡單設備如下:- 1. 矽膠1kg -- $143 2. 散裝AB水-- $60 3. 油泥-- $10~20 4. 電子磅-- $150~200 (單位為g), 其他如煮食用的磅都ok. 我因家中冇所以要買. 5. 開模砌牆專用積木-- $40 <-- 唔係幾好用, 可以不買. 用膠片自搭四面牆都一樣得 6. 膏狀離模劑-- $15 ====================== 所以加埋$400元左右有得玩了, 一d都唔貴呀. 我自己覺得最大投資係累積經驗時的失敗品. jolly roger兄, 你係唔係想試試複座倉等精細部件? 快d動手再出post分享分享啊!
蟹SIR話今個月會攪飯局, 到時大家攞啲件出黎研究吓好嗎~
回覆刪除[版主回覆09/07/2009 23:53:00]No problem!! 你肯帶隻力奇腳出來大把同好同你研究研究
成隻拎出黎又點話~
回覆刪除咁一於等蟹SIR擇個吉日先~~
[版主回覆09/08/2009 13:16:00]我拎件劣o野, 你拎件正o野, 有數圍喎 ~~ 好, 一於飯局見!!
Thanks!我有d驚座艙覆唔到!
回覆刪除[版主回覆09/08/2009 13:17:00]座艙咁多detail位真係有難度.... 不過唔好諗咁多, 要動手試試至知.
覆得好靚，一啲都唔似第一次，還要是相當複雜的部件，好嘢
回覆刪除[版主回覆09/08/2009 13:20:00]一股傻勁做事的我, 咁o岩符碌o者....
d件好得下 ，唔知波兄用左支噴劑會唔會個表面會比冇用既粗"鞋"左呢？另外，我前日都入左開模砌牆專用積木添，波兄可否講下點解唔係幾好用？再想多請教一下，你d件最薄既位有幾多？因我想知道一下幾薄既件複件會多問題d？波兄平日放工會唔會都會有上WS？如有，可否方便比我上黎見識一下呢 ？因為我公司就係WS下一條街呢
回覆刪除[版主回覆09/08/2009 14:26:00]支噴劑我只係薄噴一o野, 佢冇色冇氣味, 查實都唔知上o左幾多.... 但係分開個模同出件時真係容易o左. 至於件的表面就唔發覺有咩差別. 砌牆積木之間條接縫唔夠細, 製模時會流入少量矽膠黏住, 做好個模拆牆時都幾花時間, 之後仲要清潔. 小tom tom兄話小朋友玩如LEGO般的積木會好用過佢. 我放工後有時都會上WS, 如我上就早兩日call你.
又幾得喎....
回覆刪除快 d 大量化生產....
[版主回覆09/08/2009 21:29:00]仲未得住呀.... 有d地方連原件都仲未完成.
I suppose to copy some parts later, go to learn that from u..........brother!!
回覆刪除[版主回覆09/08/2009 21:47:00]All u hv to do is ask, and brothers on yahoo blog will be willing to teach . Is the material like silicone avialable in Australia? Or do u hv to buy it online?
依家玩複件都好經濟，想當年一罐矽膠1kg 都要＄１２０．依家只是＄１４３．
回覆刪除依家有散裝AB水-- $60，以前要買大罐裝，百幾＄，最浪費的是開了罐後一段時間未用完就要報消！
[版主回覆09/08/2009 21:50:00]係呀, 由於我用量唔多, 上一set AB水都成半樽用唔晒就玩完. 成罐真係唔知點用~~
Ball哥玩多兩次可以出首辦囉...
回覆刪除[版主回覆09/08/2009 21:53:00]製品咁原始, 出來俾自己砌就得. 不過我幅"歎息的牆"都砌唔晒, 點算....
遲下果支越信離模劑可唔可以借黎噴幾下
回覆刪除[版主回覆09/08/2009 22:00:00]得!! 不過要俾我摸下你個羅.... 咳....係你隻"密沙羅"
原來ball_kei兄你都係blog友笑笑團員, 哩隻炮吉有好戲睇啦!
回覆刪除[版主回覆09/08/2009 23:00:00]原來alex兄你都開o左blog, 等我立即訂閱先 !! 能夠一次過睇返你之前模谷post過的相, 真係正
掂喎!!! 等你量產!
回覆刪除[版主回覆09/08/2009 23:01:00]我都係被你上次"量產白兵"所啟發
複件質數好好，恭喜！恭喜！
回覆刪除[版主回覆09/08/2009 23:03:00]都係d家庭式手作工業, 唔出得大場面~~
出來效果果然不錯~ 果然 我 各位的祝福是見效的! 吉姆大炮請繼續加油, 期待! 加油
回覆刪除[版主回覆09/08/2009 23:07:00]簡兄的祝福真係咁靈驗??!, 咁麻煩請你祝福埋小弟隻Z Gundam, 仲有隻哥邦迪, 跟住落就係隻dahgi Iris, 然之後係.....(下刪一百字)
I don't think the selling price at Australia would be as low as HK even "available"! I will consider to buy that from HK later........and then send back to Aus! XD
回覆刪除[版主回覆09/08/2009 23:13:00]Yeah, even if available in your place, may be you hv to buy a large can of it.... Thx for the snack u bought us last time! We hv already "clear" them all~~
咁複雜都比你搞到，唔 唔得，下次要搵你補習
回覆刪除[版主回覆09/08/2009 23:17:00]係我要搵你幫我補習至真喎.... 其實隻o野一早冇考慮會複件至會搞到簡單複雜化o者~~~
估唔到你 我要帶定係身先
回覆刪除[版主回覆09/08/2009 23:20:00]講笑咋~~ 你上開我地WS唔見我就自己攞來噴啦
Ha Ha Ha...........! I don't know all of you would have interest or not! (or remember that's from me............XD)
回覆刪除[版主回覆09/09/2009 00:36:00]our WS was really crowded on that day.... sadly we hv got not much time to chat.
用唔晒就倒多幾件益吓我地啦
回覆刪除[版主回覆09/09/2009 00:38:00]你益你o地定係害你o地呀?! d咁o既件.... 我唔想晚晚俾人背後鬧爆我呀
倒得咁好,,,開模咧~~~
回覆刪除[版主回覆09/09/2009 00:41:00]哈, 大頭兄你真係曉講笑
No worry!! Next time next time! ^_^
回覆刪除覆得好靚喎，d 細位好清楚，入黎偷下師先 !! ~
回覆刪除[版主回覆09/09/2009 20:43:00]好多粗位因相影得唔清至睇唔到o者, 真係粗o野蒞o架.....
開模啦, 幾錢呀c兄
回覆刪除[版主回覆09/09/2009 20:42:00]咪玩我啦.... 家陣我仲驚緊唔知砌唔砌得埋....
話說, 句子最尾可以加上 "(ry" 來代表略過的意思 XD (所以不用刪字) 那麼為什麼? ry 什麼意思?請不要問我... ＸＤＤ （因為我都唔知點解 哈哈， 其實我的祝福算什麼呢． 都說了是大家的工勞． 加上ＫＥＩ兄手工技術不差， 才會出現如此利害的效果！ 還是那句, 請加油喇!
回覆刪除[版主回覆09/10/2009 09:04:00]收到晒!!
波哥, 我就覺得覆得唔夠好啦, 所以哩件比我啦, 你再覆多次啦....hehe
回覆刪除[版主回覆09/13/2009 01:18:00]呢d 咁o既爛件, 都唔知砌唔砌得埋, 真係俾你都要喊三聲呀!~~
阿波，我己照你吩咐做了，請來報到。
回覆刪除[版主回覆09/14/2009 09:48:00]點敢吩咐你, 只係小小提議
量產!量產!量產!量產!
回覆刪除[版主回覆09/14/2009 09:50:00]yes sir! yes sir! yes sir! yes sir!
依? 我仲以為有成品睇添...
回覆刪除[版主回覆09/14/2009 11:25:00]未有呀 .... 不過ko隻30th巾之後都會趕呢隻用來出月曆.
快Ｄ全數量產！量產！再量產！
回覆刪除然後派件！
[版主回覆09/15/2009 11:33:00]睇埋我個後期製作至講啦, 到時可能嚇死你~~
恭喜BALL兄更上一層，煉成翻模大法！ PS：哇，吾好一次倒咁多吖嘛，倒咗出來概真係有的“嗮”料。。
回覆刪除[版主回覆09/18/2009 13:42:00]係我倒時個出氣孔遲遲都唔見有cast冒出來, 心急起來就倒多左料. 後來經高人指點, 係我野心太大一個模內放太多件. cast流經太多位後會有可能在中間凝固. 不過今次好彩個模僅僅ok.
複件質數好好，恭喜！恭喜！ x2
回覆刪除[版主回覆09/18/2009 13:34:00]thx!! 初玩複件, 算係咁上下啦....
結果OK最重要～ 記得我第一次玩翻模時CAST 調到“杰”得劑， 出吾到來，居然仲攞支吸管插入去吹。。
回覆刪除[版主回覆09/19/2009 18:38:00]嘩!! 咁啖氣"索"返轉頭會唔會好high呀?!
m4400 係比4440 軟 和富彈性, 用人形開模比較多!我覺得呢隻係最好架!!
回覆刪除[版主回覆09/21/2009 20:11:00]多謝指教
一條入面有晒五種色~ 不過已經比人要晒
回覆刪除謝謝你星期六的勞苦﹗
回覆刪除[版主回覆09/27/2009 23:19:00]唔勞苦, king sir勞苦d, 佢放工都趕來幫手睇盤.
有得派時預埋我呀波記! 最多請你食月餅! THANKS!
回覆刪除中秋節快樂, 人月倆團圓!
按上圖到我BLOG
[版主回覆09/28/2009 20:02:00]嘩!! 好大個月餅 , 你點知我鍾意食月餅o架? 我唔客氣啦 隻炮吉翻件只係粗o野來 ..... 自己面對番都尚且僅可接受, 拿來俾其他人砌實在係太難為人了 ~~~
波記，我壇野，唔知有無得搞呢…？
回覆刪除[版主回覆09/28/2009 20:26:00]我都係初哥, 都係大家研究研究 .... 我睇返你個post隻右翼. 因我唔知個原設定係點, 翼基礎部份, 即係其中一幅相中你手板拎住那伴, 係唔係可以左右共用o架?? 呢件個size咁大我未試過複(不過都有少少idea...). 其他較細部份複製應該冇問題. 不如睇睇下次幾時有聚會, 你拎埋隻翼出來俾各位大大睇睇點搞, 一定眾志成城!! 咦~~不如就30週年高達聚當天啦!!
very nice....!!
回覆刪除[版主回覆09/29/2009 23:05:00]到今日我都仲有d件未複 , 複完至知nice唔nice...
我哩D良好市民，點都識得“吸毒”係吾應該做概～
回覆刪除ball_kei兄砌模型有質又有量，實在令人佩服！
回覆刪除小弟之前話開始砌裝甲騎兵，結果到而家都仲未動工，實在汗顏......
[版主回覆10/02/2009 21:08:00]你咁講先真令我汗顏 ....呢處有好多高手先係有質又有量, 呢點我真係仲未做得到. 我呢個老年新手仲有好多o野要學呢.... 砌模型呢家o野, 唔止要講熱血, 仲要講時間及耐性, 真係缺一不可
我想學覆件?得閒教多D技術
回覆刪除[版主回覆10/16/2009 09:54:00]我都係學緊咋.... 大家研究研究當然冇問題啦