..... 剛過去的一星期比較得閒, 皆因阿女考完試唔駛幫佢溫習, 又唔駛幫佢對功課. 不過就係因為全家'解禁', 反而走o左去行街睇戲(睇o左禮儀師の奏鳴曲, 正!!
), 少o左砌o野.不過都冇停晒手, 點少都算做有功課交. 廢話少說, 再來'每週一up'啦!!
開始了部份上色工序, 呢隻Z有d位我係想唔到方法做分件上色的. 如兩隻小翼就要先上色裝入主翼夾縫內. 但反而正好俾機會我先試試個主色配答. 正如我之前o既打算, 今次上色會參考德軍二戰戰機....係唔止參考....係直接照抄
~~~ 我揀o左圖中Bf 109G沙漠配色, 主色係郡仕o既118 Light Blue 及 119 Sand Yellow.
今次要試d自己未試過o既上色技巧, 參考o左戰機o既上色方法, 在噴灰後先在刻線上噴深灰, 再噴上主色. 效果都算ok啦~~
今次都試用o左聞名已久o既Gaia 121'星光銀', 果然好'令'呀!!!
蒞緊呢個禮拜有幾日假期, 原本應可多砌模型, 不過幾日都排滿期有o野搞~~~ 不過都會盡力而為, keep住團熄熄地o既火!!
每星期要 update 一次都唔係易事...努力呀...
回覆刪除小弟都覺得禮儀師值得睇....
[版主回覆04/07/2009 22:54:00]嘩!! 你咁快回o既, 其實我都未打好篇blog呢.... 今次第一次冇用IE而轉用o左firefox. 唔鬼識用未打好就send了出來
支持update!!! 火唔係太旺, keep恆溫就最舒服啦~
回覆刪除[版主回覆04/08/2009 09:35:00]太少o野都update的話怕俾人話呃收視嘛.... 希望一路keep住就迫到自己砌起件o野啦!!
Gaia 121'星光銀'睇落真係好"令"，係咪都好似其他油咁開架？
回覆刪除要唔要先打"令黑"底先呢
[版主回覆04/08/2009 09:47:00]我有先噴令黑先上121, 效果好好. 唔噴唔知得唔得~~ 都係用郡仕開油水開. 但係我發覺支噴槍幾難洗, 洗o左好耐至洗清晒d銀粉.
你都係甩少少啫....
回覆刪除我甩到而家都沒影...
好快比人追數啦...都係盡抽時間先得.
[版主回覆04/08/2009 15:22:00]我都冇其他o野搞~~~ 唔似你地又影相又打機, 所以我係不可原諒的 懶 ~~~ 仲有咁多個月, tempo兄你慢慢來吧. 我只係想迫自己快d砌起件o野....
近日太潮濕, 噴親油都中招...
回覆刪除[版主回覆04/08/2009 15:53:00]我都係'小噴', 仲未敢'大噴'住.
呢隻主色配答，睇起嚟有啲似亞寶用Zeta plus嘅配色喎！
回覆刪除[版主回覆04/08/2009 16:02:00]係咩?! 我仲有隻主色沙漠色未show出來. 亞寶專用Zeta plus唔係橙紅配白咩??
咁快有上色步驟，佩服佩服~
回覆刪除[版主回覆04/08/2009 19:28:00]都砌o左成個月有多, 都唔算快了~~~
不過噴翼仔可以試下唔用夾仔﹔建議改用竹筷子穿過圓圈位，咁可能會好d~
回覆刪除[版主回覆04/08/2009 19:31:00]多謝提議!!
每週一up, 十卜
回覆刪除繼續努力哦.
[版主回覆04/08/2009 19:32:00]知道!!
亞寶用Zeta plus隻白色唔係淨白，係帶有一點米色；之前我見過有人燈紅配沙土色油Zeta plus，感覺麻麻。
回覆刪除若果用MACROSS既VF-1D果隻配擊搭，果效果應該唔錯。
[版主回覆04/08/2009 22:47:00]我家陣都唔敢講我揀呢個配色好唔好..... 等我噴多d再post俾大家睇o下ok否.
又到每週一up啦~~ oh~yeah~~~
回覆刪除我睇應該隻小翼可以分件喎, 如果係個夾位開條坑至個小圓孔, 但條坑個闊度要細個小圓孔直徑少少, 咁最後組合時用少少力卡入去~~
唔知咁樣做得唔得呢ball哥哥~~
[版主回覆04/08/2009 23:00:00]係喎, 諗落咁都得喎 不過咁都有少少風險, 萬一有咩差錯可能會好難拔番隻翼出來, 真係要好肯定卡o左隻翼入去就再唔駛拔番隻翼出來至得.
今日見個價平咗, 入咗隻FW卡邦迪, 個型我覺得好抭靚仔, 我諗對你來講都好有好有參考價值~
回覆刪除[版主回覆04/08/2009 23:53:00]嘩!! 多謝你影幅相俾我做參考 呢隻我都有留意呀, 之前阿蟹sir仲'摟'我入呢隻, 不過我都冇入到.... 我哥隻點改都唔會及佢咁靚, 無謂見到眼冤啦~~ Fusion Works Standart呢個系列係出得好型, 不過就唔及早期ultimate operation 頭幾set咁正, 我當時就係俾佢毒到砌返模型呢!!
做咩整舊鐵落隻 Z 到呀？！
回覆刪除咁快可以上色，真係開心．
[版主回覆04/09/2009 13:43:00]接近OOB砌法來講, 我都算砌得慢了~~~ 舊鐵係我買o左支Gaia121想要試o下色而搞出來的, 係咪有d"夾硬"來呢
二戰機，正，等 ball 兄你既作品 ~ 有時有空閒時間都想休息偷閒下，甩左少少矛問題既 ~ .... 禮儀師我同老婆睇左，確係唔錯，值得推介 !! ~
回覆刪除[版主回覆04/09/2009 13:53:00]都係因為小弟鍾意睇軍事o野, 而又冇技術砌軍事o野之下o既產物..... 我查實成日都休息偷閒o架, 冇砌模型的話我就上網睇電視hea成晚
橙加白，好少見你玩咁 sharp 的色呢!
回覆刪除[版主回覆04/13/2009 18:58:00]唔係橙加白, 係沙黃加灰色. 地理堂兄你講得冇錯, 我真係盡量唔用sharp色的 .
照抄不是問題, 只要有創意, 敢嘗試加分!!! 二戰德軍用色, 期待~ 不知道配色出來會係點呢, 現在已經想知道了 加油!! 好快手呢, 已經上緊色了~XDD
回覆刪除[版主回覆04/14/2009 13:44:00]多謝簡兄的鼓勵 !! 可是小弟過去一週因公私兩忙而接近停工.... 唯有往後加速追回進度吧.
+油,+油
回覆刪除[版主回覆04/14/2009 21:16:00]+油,+油~~~ 噴油噴油!!
不用在意的, 有時間, 想做的時候就做吧~ 最緊要, 砌得開心~ 冇時間冇心機砌來都無用 (我試過好多次) 努力加油, 期待呀!!
回覆刪除[版主回覆04/15/2009 09:12:00]就是有一大班 blog友敦促/鼓勵下, 我至有動力去砌啊. 否則懶人如我就真係一年都砌唔起一隻~~ 簡兄如見小弟冇update就要來鬧醒我呀!!