BLOG友笑笑團2009後記(上)

笑笑團2009昨日完滿結束!! 小弟整日忙著睇/講/影/學, 高高興興, 滿載而歸. 滿載者包括:- '腦'-- 當日各大高手所傳秘技 & '肚' -- 兩圍blog友在城軒的一頓熱鬧晚飯. 晚上返到家中小弟仲係熱血沸騰, 立即從櫃頂'迷你倉'中找出數盒144比劃比劃, 為來年笑笑團2010作預備嗎?? may be…

回說昨日盛況, 數十各參加者帶來的近百件作品, 長檯都足足放滿十大張!! 當中精品比比皆是, 可惜小弟由於有份在大會幫手, 實在未敢每件作品細心觀賞. 唯有抵擋住誘惑, 快手將部分小弟特別有興趣之作品影低, 回到家中至細心品嘗. 亦因此必定有所遺漏, 萬望大家包涵包涵. 好去片!!

大力士兄 -- GN-X
小弟超愛佢o既上色!! 用上"令"底黃及綠但冇誇張感覺, 再加主色銀及灰又出奇地夾喎.

Lazy King兄 -- Jagd Doga, Enact
剩係話俾你聽呢隻'紅雞'係活動當日早上七點仲趕製中呢點都夠你感動流涕吧! 至於呢隻Enact在blog中一現身就已毒到小弟....叫我入了貨!!

華佬兄-- 00 Gundam
144裝燈作品, 再聽蟹sir講解原來白色及陰影部分上色方法好獨特-- 係用兩隻白色噴出. 有興趣就要去佢blog請教o下華佬嘞. (可惜小弟相機影唔出隻紫藍色)
(咦?~~GN引擎內側好似有少少漏光呢~~)

蟹sir -- BD-1
重點改腰令佢可'挺胸突 J ', 再加details已有好效果呀!! 我都要學兩手加快自己清貨速度先. 咳.... 唔可以唔提, 仲有壽屋出o既手....

Hathaway兄 -- Flag Custom
遠道自澳門而來的作品, 真有'物輕情意重' 的感覺. 全黑加白水貼, 好搶眼.

Johnduke島主 -- 吉姆改, 正義女神, 大魔
可能大家都常常讚歎島主兄的超可動及關節技改造, 小弟就覺得除此之外detail位及上色功夫好值得欣賞, 實在係全能型高手.
另外, 當日可算係超可動派武林大會!! 加上kaku兄及搵老襯兄, 唔知佢地有否大家過番兩招呢??

Lastman兄 -- Zaku II FZ 寒地型
除雪地迷彩塗裝外, 其一大特點係喉管防寒套.

skwong兄 -- Zaku II FZ 沙漠型
同lastman兄的渣古毗隣展示, 據sk 所講係佢第一隻渣古.... "朋友, 你剛剛打開了一個寶庫呢!!"

JKL兄 -- TR-1
由於製作條件局限, 竟造就JKL兄成了"噴罐達人"!! 咁高水準作品都係以噴罐, gundam marker等完成. 其他朋友如仲係話: "哦~~ 係因為我冇噴槍噴筆, 所以先至素組..." 你....仲有藉口嗎??!
JKL兄仲有另一大作Delta Gundam, 可惜小弟影的相全out focus了~~~

                                               ~~上部完~~