距離 '笑笑團' 舉行的日子只得3天, 隻炮吉仍然只係一堆散件~~
想推說話係自己公私兩忙, 但就連自己都覺得說不過去~~ 皆因我份工比起大部份人來說要算係好清閒, 私事方面都係新年執屋, 拜年, 陪屋企人去澳門玩.... 實際都冇咩特別事....
回憶起上年湊熱鬧趕電擊, 砌隻炮渣臨尾搞到"污里單刀", 令好多部份&細節都未如理想.
亦睇番蟹sir 重提的 '笑笑團' 宗旨: 聚會當日其實只係整個活動的一個過程. 小弟就毫不客氣以此作擋箭牌
說回炮吉的製作, 參考多位blog友的刻線教學, 今次可以話係順手好多. 但始終有時係坐著呆看手中部件"想"的過程最耐.
上身細節加得七七八八, 腰裝甲亦差不多造好.
背包&支炮進度最少, 前炮管都仍未有著落~~~
小腿後部跟原設有一突出的裝甲連接位, 右腳的來自模型零件, 左腳的則以光硬化畢地複製後黏上.
差點忘記....仲有槍及盾未動工~~~
今次炮吉出征殘念, 星期日的笑笑團小弟唯有再次帶兩隻MSV渣古來"濫竽充數", 再搭多隻笑笑團中未出現過之特吉, 各位團友唔知肯唔肯放過小弟呢?
沒有留言:
發佈留言