HG強人-製作後記03

盾&槍改自HG 08小隊渣古機槍, 槍管用膠管重造.

HG強人-製作後記02

[原子灰應用失敗例子!!!]

原先想試o下唔用膠片, 淨用原子灰加厚小腿內側裝甲,
乾後磨磨o下成片甩o左出來!!!! (圖中兩個黃色圈)
想話用ok膠黏番落去至發覺原子灰乾後收縮o左,
個圈fit唔番落去....
最後都係要用番膠片&混合不地去造.

HG強人-製作後記01

原本個膊頭關節好鬼"玩具", 唔好睇, 想用ball-joint代替.
胸入面整o左個伸縮關節等個 ball-joint可縮番入體內.
不過呢度花o左我唔少時間&功夫, 唔知各位有咩更好方法呢?
另外, 頭部切開整o左隻可動眼.

HG強人-背景設定

設定中此機是YMS-15中2號試作機,
原成度不高下參加了"歐巴奧"攻防戰.
因專用盾及劍未及完成,
而無奈使用渣古機槍, 電熱斧及盾出戰....
(強人機體應未配備使用光線槍功能)
但其重裝甲配合要塞內據點防守,
亦令聯邦軍吃了不少苦頭!!!

1:144 HG 強人

十久幾年冇砌o野, 30幾歲人又砌番 >_<
呢隻hg強人係小弟睇完max渡邊本書--
super modeling manual後05'產物,
都斷斷續續攪o左一年半....
開頭都冇諗話要大改, 但係攪攪o下攪大o左,
切o下鋸o下成隻散鬼晒, 都唔知點收科!!!
(哎.... 哩個一向都係我o既毛病~~)