(真係好鬼長o既o者, 我..... 起d 網誌標題~~~)
正所謂: 「一年容易又中秋, 一年更容易又笑笑!!」
冇錯, 就在我上年d 笑笑模型債尚未還清時, 新債又湧到咁來.... 就在我債台高築, 惶惶不可終日時, 為何冇好似廣告咁跳個邦民女or大眾女出來同我砌....咁一兩隻?....
應承o左新任團長玩獨角獸大合照, 基本上入場劵就要交出一隻合皮或爆皮模式獨角獸成品. 呢隻HG都出o左一段長時間, 相信好多C兄都己完成/ 砌緊/ 齋拍過一隻. 而小弟呢, 就襯新搬WS仲未有得噴灰噴油, 坐在碩大工作檯前同C兄們吹水時, hea拍起隻合皮獸算做係應o下景開功大吉.
呢隻打算係OOB齋玩上色, 見大家都喜愛將佢砌得乾淨立立令"七彩蝦條姐姐"咁(哪, 想認後生就千祈咪話知道"七彩蝦條姐姐"係乜水~~), 我又來專登拗頸砌隻青BB扮蘇軍坦克污糟立塌合皮獸!! 出來效果? 哈~~ 真係天曉得!!~~
既然係扮坦克的話就冇理由咁滑溜靚仔.... 早前有幸見過YA大隻Sniper F2渣, 咁就立即抄考佢用快乾膠在部份parts表面做少少手腳, 等佢有d 鑄造紋感覺. YA大本尊係用手指直接印在快乾膠表面(!!)去印出鑄造紋, 而我就東施傚顰帶住隻食雞用膠手套去印. 效果當然比YA大相去什遠啦.... 係咪, 我對模型o既愛唔夠強烈呢??!~~~
下圖在ws用電話影, 鑄造紋效果在胸的部份較易見到.其他如肩甲袖口位就因解像度問題唔多睇得出.
原盒只跟來一支大炮真係唔多合用. 想話搵密識支Zulu用機關槍(有d 似AK-47)過佢楂. 有冇巴打肯割愛??
坦克獨角？？唔知會唔會多碌大砲係個頭到呢？！
回覆刪除[版主回覆09/14/2010 23:43:00]ha, 要留意, 我剩係話坦克"色"咋, 唔會改到佢變坦克樣的 唔係的話就變成架大"老土"了.
支AK-47我有多(免費), 得閒就放係你枱面~
回覆刪除[版主回覆09/15/2010 16:28:00]嘩！真係多謝曬！下次請你食下午茶。
我.....建議不如玩你兩隻MSV名作個種迷彩? 格仔色重好
回覆刪除[版主回覆09/15/2010 16:34:00]唔玩迷彩啦今次，只諗住噴單色。加返舊化甩青咁啦。上次隻F2都未係做得咁好...
舊化獨角,係唔係迷彩坦克....
回覆刪除支炮真係唔知點玩...
[版主回覆09/15/2010 16:39:00]今次想快d KO佢,唔玩迷彩了。
支炮查實都好多人like,係我唔合用啫...
我果隻改完又拆, 拆完又改, 可能完成唔到....
回覆刪除[版主回覆09/15/2010 17:48:00]o下, 做咩咁曲折呀?
咁錫身出唔到效果啊~ 一定要用手指直接印落去才有觸感呢!
回覆刪除[版主回覆09/15/2010 17:57:00]Yes Sir!!
當人人砌隻獨角獸都是立立令以美形取勝的時候，舊化污糟獨角獸有新意喎
回覆刪除[版主回覆09/15/2010 18:05:00]不過如效果唔好就實俾人鬧/笑爆
Ball Ball 你放心, 我連封盒膠紙都未滅...
回覆刪除[版主回覆09/15/2010 18:21:00]團長, 我見你未曾停過手, 你實砌得起o既
有新意
回覆刪除[版主回覆09/15/2010 18:26:00]可能係壞主意都未定
波波d文筆真係越來越好~
回覆刪除YA大本尊係用手指直接印在快乾膠表面(!!)去印出鑄造紋, 而我就東施傚顰帶住隻食雞用膠手套去印. 效果當然比YA大相去什遠啦 .... 係咪, 我對模型o既愛唔夠強烈呢??! ~~~ <--可強烈感受你的無奈感
[版主回覆09/15/2010 18:30:00]識o左你o地之後, 我成日都有覺得我對模型的愛不及你o地呢....
加油
回覆刪除我隻獨角啪就啪起左,不過啪完之後就幾乎冇搞過
加我做blog友啦
[版主回覆09/15/2010 18:38:00]砌完隻virtue就砌隻unicorn囉.
一於咁辦啦。
回覆刪除"青BB 扮蘇軍坦克 污糟立塌 合皮獸" ~ 呢個係未後備標題呢！ 三組形容詞組合而成的標題......巧勁呀 ~
回覆刪除[版主回覆09/16/2010 21:25:00]斃在係: "標題華麗, 作品濕滯" 哥度死火呢~~~
中秋愉快呢，繼續加油~
回覆刪除[版主回覆09/22/2010 13:34:00]Same to you, man
加油加油！！ 其實係要同自已講
回覆刪除[版主回覆09/27/2010 14:29:00]lastman你要加多d油呀 , 我隻哥邦迪危危乎呀~~