菲軍方特種部隊在人質事件當日在場戒備但警方無徵用
其實唔駛靠軍隊, Philippine National Police (PNP) 自家都有精銳部隊, 隨便google一下"pnp swat" 都可以搵到幅05年舊相, 當年已有裝備精良的部隊:-
一個要同恐怖組織"阿布沙耶夫", 分裂勢力等武裝組織長期作戰o既國家, 要依靠23號晚出動的"特種部隊", 相信一早亡國好耐....
香港人近幾日在震驚, 悲傷影響下, 恐怕都跌入將其他地方, 種族人仕典型化(stereotyped)的陷阱中, 當然, 當中包括我自己. 常常聽到的是蠢, 無能之類的形容詞. 我地好容易將自己o既價值觀套在別國人身上, 以為放之四海皆準. 以為世上人命最重要, 什麼政治, 特權都應讓路. 無法子, 我地成長o既環境如此, 以為係理所當然....
將心比己, 我地以為菲國當局都會以救出人質為首要目標, 而唔會有其他隱瞞議程 (hidden agenda). 我地又以為佢地會出動最精銳部隊救人質, 而當晚得班甩甩漏漏"特警"係佢地冇錢冇裝備加上蠢(我地相對有錢及自命有學識), 因為我地冇地方政府勢力, 政治人物唔需要軍方或警方支持都可以上位, 亦根本冇需要犧牲人命去維護自己勢力及既得利益. 而事實上, 在極權, 腐敗, 貪污下, 再奇異, 再荒謬的慘事都會發生!!
而廿多年前6月4日的晚上, 同樣令人廢解的慘劇亦都在全香港人眼前直播過~~ 一樣令人震驚及悲哀.
響呢d事面前, 個人無力感係千斤的重. 我想我會積極d面對, 盡微力守護住香港呢片淨土(相對地說), 唔好俾極權, 腐敗, 貪污入侵.
有議員及政黨震震有詞要求參予菲國調查, 又或講到派SDU去他國救人質者, 都一律由小弟贈送"小鯊三寶"予以獎賞~~~
所以貪污係幾可怕....
回覆刪除[版主回覆08/27/2010 13:43:00]香港暫時仲係ok. 不過, 都要警覺由北面來o既風氣~~
昨晚也有看新聞，知道他們「可能」有精銳部隊，但如此因種種醜惡原因得物無所用，我對這蠻族的評價只能說更負面。
回覆刪除stereotyping 人人會有，我現在對這個蠻荒國家某些機構的作風，某些人物的人性，什至整個國家系統，我會說不能接受。
私下認識的菲律賓人，我就會以各自的人品行為去評價。這方法近似我處理大陸和我認識的內地學生、教授、同事和朋友的方法。
送佢三寶，是便宜了這蠻族，我個人會有杯葛行動。
[版主回覆08/27/2010 13:52:00]菲國人語言文化唔同, 送你三寶俾佢地, 佢地都領略唔到個中精髓~~~
睇o左facebook, 我唔飲生力(一向難飲!), 冇請菲傭, 老婆大人昨晚亦眼有淚光激動立下誓言話一定唔會去菲國, 咁就算哥度有金執都冇我份, 我唯有唔食菲律賓芒果啦....
同意。
回覆刪除[版主回覆08/27/2010 21:45:00]回想起, 尋晚在翠華遇到的人群, 好可能來自伍華的追思會: 伍華校友會為校友梁錦榮舉行追思彌撒 人質事件中喪生的汪氏夫婦, 遺下的一對仔女就同小女同一間中學. 所以呢次事件真係有發生在身邊的感覺.
聽左咁多人分析, 覺得以下分析可信性最高 http://www.hkreporter.com/myradio/audio_archive.php?archive_id=11082
回覆刪除[版主回覆08/27/2010 13:40:00]未聽晒但聽o左大半, 我的想法亦係差唔多.
我恐怕...遲下消息越來越多時, 大家會仲憤怒
回覆刪除不過見到事情發生的第二日, d政棍全部走晒出黎撈油水, 呢下真係有d反感. ....
[版主回覆08/27/2010 21:54:00]憤怒真係好難持續咁耐... 不如大家諗諗香港的旅遊政策, 係咪應該考慮o下外國的安全風險, 至辦旅行團去呢.
可憐人質變成無辜慘死.....
回覆刪除[版主回覆08/27/2010 21:55:00]出於人禍就更令人火都o黎埋!!
如果有精銳反恐特警在場而指揮官決定不使用的話，那是權力鬥爭的問題而不是甚麼菲警無能的問題了。假如菲律賓政府高層真的有下達命令要嚴肅處理人質事件而指揮官沒有收到指示的話，那就反映出菲律賓政府官僚、遲鈍和無能了！無論如何，這個小小的馬尼拉警察指揮官以權力鬥爭優於營救人質，看來將會負起大部份責任了。
回覆刪除[版主回覆08/30/2010 21:19:00]呢件事鬧大o左, 我估菲國都係搵一兩個高官"祭期"就算.... 要佢地根本改變, 真係難d~~
對呢個國家完全失望 無人性可言 要我去都難
回覆刪除[版主回覆08/30/2010 21:22:00]冇番三五七年, 港人都冇可能忘記呢單o野~~
貪汚係可怕, my radio老蕭都講哂, 菲國可惡冇得救!
回覆刪除[版主回覆08/30/2010 21:27:00]貪污仲係存在響好多第三世界個家, 不過好多都響非洲&南美, 香港人比較少接觸. 冇今次切膚之痛感受咁深.
依家有時會返果間國際學校,有D菲律賓土生土長既教師都接受唔到菲律賓政府,真係太貪污,所以我地真係要興幸有ICAC,
回覆刪除唔係香港依家都係差唔多,你睇返D舊片如雷洛之類就知當時香港都係咁貪污
[版主回覆08/30/2010 21:30:00]英國佬係殖民主義者, 都唔可以話係好人, 不過佢地真係留番套好o既法制響度. 香港人真係要好好保護.
跟那個什麼「手提電話總統」比較，時常比人鬧爆曾特首，原來也不是太差！希望有關當局，能夠妥善地利用文明的辨法去處理這件非常不文明的慘劇 ~
回覆刪除[版主回覆08/30/2010 21:35:00]haha~~你搵阿x諾三世同曾生比, 我驚阿曾生會喊喎.... 菲國過o左幾十年都冇進步, 真係唔知佢地點攪.
一個 "貪" 字改變一個國家，一個 "貪" 字也改變了人的命運 ~
回覆刪除[版主回覆09/06/2010 22:07:00]呢個國家再係咁樣落去真係冇得救~~