見青頭領的F2已接近完成,
小的才剛開波....嘍囉, 始終都係嘍囉~~
雖然自己好鍾意呢隻F2渣,
笨大亦出得相當正(近期幾隻HG都好得).
但由於時間所限, 要留翻d時間砌電J....,
呢隻唔可以投放太多時間落去.
所以都係盡量OOB算數.
話雖如此,
笨大總係會留翻d 空間俾各位愛改造的模友,
你睇, 呢條空間幾大!!
一於係咁二改改佢啦,
好傳統地加個小ball joint再加多截部件遮走光位.
完成後可動性真係呢......冇提高過,
不過算數啦.....
原裝的盾太細個唔順眼,
C兄們都群起出盡法寶對付佢, 將佢加長加大.
我就充分運用'懶知識',
見HG渣個盾大過佢少少, 但唔夠厚,
不如改改佢睇睇用唔用得著.
頭部又係了無新意加可動眼吸塑膠
求麟麒的模型卻意外地有著認真的參考~~
169(元)買入想入好耐但苦無藉口港版VHS質素DVD Boxset.
Episode 4 "熱沙攻防戰" 飛前飛後定格睇o左半晚....
最後決定砌佢.
上下身兩隻色超簡單唔駛遮蓋唔駛煩!!
source: http://www.mahq.net/MECHA/gundam/index.htm
唔知有冇巴打同我撞色呢??
原來波哥整咗咁多嘢, 青頭領實無咋型~
回覆刪除條腰我本應想好似你咁攪, 但切了幾塊膠板度吓位之後就無整啦, 因為連接腰至背包條喉管死了它的可動性, 一係就將個desize全改, 否則可動性不可以大幅提升, 呢方面一路等睇島主神出手, 但仲未見佢開波, 時間又無多, 都係不變應萬變~
[版主回覆04/28/2010 19:55:00]"連接腰至背包條喉管死了它的可動性" 經你一提, 又真係喎.... 我都冇諗到添. 咁等我諗諗可以點搞先 . 係囉, 島主又唔出手俾我地抄考, 唔駛等我地咁煩惱嘛....
波哥可以幫我整多個眼仔吸塑膠嗎？謝謝
回覆刪除[版主回覆04/28/2010 20:24:00]OK! 不過我儲備的包裝吸塑膠剛好俾我玩鬼晒.... 你要等等我呢. 如果你唔想等的話都其實好易整, 我就用翻渣古頭內的A1部件用下圖方法壓出來. 當然啦, 如果你家中用電磁爐的話就冇法子了.
好一句懶知識',個盾(懶)得好.......
回覆刪除[版主回覆04/28/2010 20:28:00]個盾都仲要加工, 到時要真正知到懶得好唔好
腰部改得正...
回覆刪除個盾...我比你更懶,只作細部改造...
[版主回覆04/28/2010 20:32:00]原本的盾查實都OK o架, 係側面睇細o左少少.
好有用嘅參考，一於唔好諗增加條腰的活動力囉！ 話時話，你近來字裡行間之中好精警抵死喎！
回覆刪除[版主回覆04/28/2010 21:03:00]大力士講得o岩, 腰連至背包的動力喉幾影響腰部可動性. 要睇睇有咩法子, 或者會在喉的用料上動腦筋. 哈, 我每篇blog都好俾心機寫o架(我覺得)~~ 都係自娛一下吧.
模型界哪種人最多？
回覆刪除模型界騙子最多。
又話盡量 OOB，改咁鬼多，呃人o既你。
[版主回覆04/28/2010 21:06:00]盡量 OOB <= 我只係"盡量"o者.... 模友我唔想呃o架, 我想呃女友多d
咁快就整咗咁多嘢嗱！
回覆刪除我仲停留喺剪件階段。
[版主回覆04/28/2010 21:08:00]要快手囉!! (呢句我都向埋自己講)
套碟係唔係 $169....係大眾買..... 因為高達30周年 ge 關係 由$338跌到$169...... 我咁清楚係 因為我都入咗
回覆刪除[版主回覆04/28/2010 21:16:00]對呀, 我就係在大眾入的. 當日我仲幫阿女買o左本maths 補充練習. 我就睇dvd, 阿女就做補充練習~~ 嘿!! 呢個就係做大人的好處~~
好一個OOB....睇黎搵日大家要傾下OOB的定義了
回覆刪除[版主回覆04/28/2010 21:17:00]OOB?! 盡量啦, 盡量啦.....
條腰真係唔敢搞佢，呢次真係要睇波記你表演啦！
回覆刪除[版主回覆04/28/2010 21:18:00]只怕係錯誤示範
Ball哥，大力士說得對呀！條腰要改得好的話有排玩，都係索性做小小"姐"走光算數吧！
回覆刪除好正的"懶知識"又學到野喇！
[版主回覆04/28/2010 21:21:00]我就係睇唔過眼佢一拗腰就大條空位穿晒崩 , 至會搞咁多野出來.
同我都好似你 我阿媽打書釘... 我就睇有咩DVD..... 我地真係好相似...... 你係邊間大眾入 我就係黃大仙果間 唔會撞呱....
回覆刪除[版主回覆04/29/2010 13:17:00]真係咁橋, 就係黃大仙果間
條腰好似好有力喎... 我諗我都係OOB + 一粒半粒LED算...
回覆刪除[版主回覆04/29/2010 23:16:00]得啦, 團長, 你肯砌我地一定收貨o既!
不如將前裙甲分開左右獨立轉倒啦.
回覆刪除[版主回覆04/30/2010 13:12:00]前裙甲我己好忍手唔劈開佢三塊.... 盡量OOB嘛~~ alex兄有冇入呢隻呀? 有的話睇你發揮.
我好似見到有人提過我個名.... 我有入呀, 不過哩排都係發青光(劍), 未整F2, 條腰? 正常人都睇唔過眼既...
回覆刪除[版主回覆05/02/2010 02:45:00]好在我仲係正常人o者....
冇入呀, 雖然都好想買, 因為已經有隻MG版, 二O黎外面太多正o野, 唉! 冇禁長命砌禁多件呀!
回覆刪除[版主回覆05/03/2010 13:28:00]命就如無意外仲有幾十年, 係對眼唔知仲可以砌幾耐啊
呢個攪掂未呢？係咪仲要執番靚o的個遮光位呢？
回覆刪除[版主回覆05/05/2010 00:24:00]腰部追加的一節其實已完成, 只係差打磨. 加埋胸甲左右兩件部件就唔會有走光位.