噢!!!~~ 我終於要投降!! 老實承認今年電擊趕唔徹......
作品仍處於散件階段, 有的部位未搭起, 其他的卻仍處於打磨刻線階段~~ 自己time-management一向好差, 今次又是一例
. 回想係自己磋跎一輪至五月尾六月初至定案開工, 加上多年未回港探望我家人的家姐提早於七月初返港, 幾個假日皆要陪佢地去玩, 早就注定係趕唔徹完成了. 當然最重要一點係自己老毛病發作改到停唔到手啦!!.... 不過始終都係唔想匆忙砌隻自己唔滿意o既作品出來
.雖然此作趕唔及電擊, 但我仍會加緊搭起佢, 就留待下年電擊再出戰吧!!(因而此篇blog標題都改為"電擊2010") 所以, 我仍會keep住砌佢, 唔會俾佢停!!
其他戰友, 趕緊衝線吧!! 小弟太肥太懶追不上來了~~ 祝各位好運
.今次電擊作雖再一次殘念, 但自己製作上都有新嘗試及得著, 經驗係總冇白費的. 要再一次多謝小tom tom兄倒模技巧指導, tempo兄出讓Legend俾小弟(會係201X電擊出現吧~~), 地理堂兄&風影山兄的上色建議, 及各blog友俾小弟的意見, 可惜....今次要各位失望....
今次製作過程相片影得比較少, 製作技巧亦大部分已在前作出現過, 並無太多特別之處, 在此就讓我稍稍略過吧....
點解會有一句 (會係201 X 電擊出現吧~~)，唔係2010咩
回覆刪除[版主回覆07/17/2009 01:13:00]隻Legend我會在另一個project內用到, 不過唔知要係201?年o既事o羅~~~
叠埋心水搞笑笑團啦！話哂你都報咗兩台(MS)名。
回覆刪除我依家都慢慢整緊。
[版主回覆07/17/2009 11:00:00]C兄所言甚是....下個target都係set做笑笑團
都係笑笑團見啦~
回覆刪除[版主回覆07/17/2009 11:04:00]要下年一二月喎~~ 其間都可以搞d活動大家聚聚o既. 不過....諗落都係唔駛預你, 你搞好件'終身大事'先啦!
我今年都出擊不能了！都係放眼2010笑笑團啦！
回覆刪除[版主回覆07/17/2009 11:08:00]今年睇落好似少o左blog友參加電擊喎~~~ 一於砌好2010笑笑團!!
Time management 要實行也不容易,知易行難....
回覆刪除今年整唔到,可以留待明年....努力呀....
[版主回覆07/17/2009 11:23:00]我就係由讀書時代都已經係咁, 老毛病改唔到.... 有兩年殘念經驗, 我俾足一年時間去砌, 下年電擊我鐵定出呢隻!!
會唔會過兩個月又有新 ideas 出現又整過第隻？
回覆刪除[版主回覆07/17/2009 11:25:00]唔會啦~~ 新idea我就成日有, 不過'諗就無敵, 砌就無力', 都係量力而為算了....
都係嗰句,不要太趕著去參加比賽如果求其砌完就去比賽,這是一個大忌來的,若俾我會暫時放棄先 ,總知唔緊要架波哥,我地會等你2010電王作出擊既 ps 咁你快快手搞笑笑作啦
回覆刪除[版主回覆07/17/2009 11:45:00]我今年連正正當當出隻參賽作品都未掂.... 下年我都係現實d以參予為目標先啦. KAKU大師, 你隻NU先至係2010電王作吧!! 我搭起o左呢隻就一於立即搞笑笑!!
參與也不一定要有件交的，努力過盡己所能也就是了。到交件取件日幫 WS 或其他人抬件影相吹下水都一樣會好開心。
回覆刪除[版主回覆07/17/2009 11:51:00]多謝地理堂兄的安慰!! 今年冇入場劵, 唯有靠黐了....
笑笑團玩Z系列, 到而家都未諗到用乜, 睇波哥點玩先!
回覆刪除[版主回覆07/17/2009 13:36:00]我已定o左係一隻Z巾, 一隻哥邦迪, 唔敢再加新o野了~~~ 一於係成品大過天!!
仲有2個星期, 真係好趕....
回覆刪除唯有等你笑笑團出啦~
[版主回覆07/17/2009 20:06:00]ya大你下年都要出山玩個人組喎
我地一齊2010啦﹗
回覆刪除[版主回覆07/17/2009 20:04:00]你o地團體組都仲要努力啊
好! 一齊target2010啦! (希望有噴筆中... )
回覆刪除[版主回覆07/17/2009 20:15:00]嘩!!~~ 下年各大大一齊玩電擊, 豈不是變o左'華山論劍'?! 買噴筆? 你入o左紙向"有關方面"申請未呀?
華山論劍? 咁咪要唱住... 論武功 俗世中不知邊個高... 舊年年尾已入紙而亦得到大人批准... 但要揾到屋搬先得... 所以而家只係等!
回覆刪除[版主回覆07/19/2009 00:16:00]好!!! 到我唱: "或.....者.....絕招...同途異...路" 你有噴筆玩, 我地一定又有更多好o野睇o羅
今年雖然大家都無件參加電擊，下次2010我地一齊上一齊努力啊 ！
回覆刪除[版主回覆07/19/2009 13:05:00]一於下年蒞過啦!
少左你，今年電擊會好冷清 ga
回覆刪除[版主回覆07/20/2009 23:27:00]係咁講今我受寵若驚喎 唔會啦, 今年我見都好多人報名.
唉．．．．． 我依家比模型玩緊－．－．．．．． 都唔知整唔整得切．．．．．
回覆刪除[版主回覆07/20/2009 23:30:00]係呀, 有時真係唔知我玩模型, 家係模型玩我~~~ 努力呀千影兄, 你係模型界新勢力來o架!!
我會用最後5日整隻keroro呃紀念品^^
回覆刪除[版主回覆07/21/2009 12:58:00]志在參與都係好事
2010 華山 見!!
回覆刪除[版主回覆07/22/2009 01:21:00]等我磨利d刀刀劍劍先!
希望下年見到佢
回覆刪除(p.s.其實你用我D色構思到D咩??)
[版主回覆07/22/2009 01:21:00]佢下年一定同大家見面, 放心吧!! 我初步構思中會用灰/白兩色迷彩, 都係蛻變自你的提議.
時間多咗，可以更用心去做，努力！期待見到精美O既成品喺明年電擊獲獎
回覆刪除[版主回覆07/23/2009 09:05:00]多謝鼓勵!! 對呀, 原本有d想話skip的工序, 而家有時間都會做返.
已經好好架la....我整都冇時間整~
回覆刪除唔怕晒左隻野架wo~留黎做笑笑團la~
[版主回覆07/25/2009 11:42:00]時間真係有時唔係幾受自己控制..... 呢隻我直接留到下年電擊嘞, 笑笑團我另有出品 (噢~~又要再努力砌了~~)
盡力就等如勝出...
回覆刪除[版主回覆07/28/2009 16:28:00]可惜我的盡力仍然未夠好~~ 唯有下年再來過啦!!
我同你同一命運，都投降了~
回覆刪除[版主回覆07/29/2009 10:45:00]你在大陸都堅持砌, 已經好有heart!!
唉……中五生，等放榜，雖然未參加過電擊，但想試下 …… 上到中六(的話)就唔會試10電擊(我都唔想去到)，不過希望可以(升到中六就叫做抽空 )去看你10的作品。 希望2011年可以參加，同時可以以中七生的身份見到你的作品~~
回覆刪除[版主回覆07/31/2009 11:23:00]學生就梗係讀書緊要d啦, 不過砌下模型減下壓都係件好事, 我地模型blog友中都有大學生, 老師同教授o架.... L.S兄你有冇砌開o野架? 不如參加我地蒞緊下年年頭o既"笑笑團"啦!! 大家唔係比賽, 冇壓力輕輕鬆鬆砌隻144就參加得. 有興趣就去呢處報名: 笑笑團
啊哈哈 ，還是放了榜先 ~~~ 畢竟CE懶了 ，還是看下去唔去到中六先啦 ~~~~ 笑笑團 ……完了中七先 ，我還是怕太減壓，減到AL會後悔 (其實入唔入到中六都是問題 )
回覆刪除[版主回覆07/31/2009 21:05:00]唔緊要, 我地等你
可惜～ 吾緊要BALL兄，吾玩電擊姐，我陪你！ xD
回覆刪除[版主回覆08/01/2009 21:22:00]山人兄, 幾時真係過來香港旅行+"電擊"呀?! 我等你喎!!
明年應該會返次香港公幹概，不過電擊就唔知佢地收吾收外國作品咯。。
回覆刪除[版主回覆08/02/2009 18:36:00]當然收啦!! 搵我o地幫你報名就得啦! 唔駛客氣喎 上年dilaton隻'雪魔'伙都係咁樣參加:- http://hk.myblog.yahoo.com/dilaton-blog/article?mid=5578
咦，原來OK咖， 一于明年拖件野返去參戰！ 返吾到寄返去都要，點都話可以一圓電擊夢， 到時我就吾同ball兄客氣啦～
回覆刪除