為了參加09電擊, 在不可能成功的plan A泡湯下, 急忙找來plan B進行, 結果就係以下產物:- F91故事中Crossbone Vanguard (港譯: 死亡先鋒) 的指揮官用偵察型MS
XM-06 Dahgi Iris.
(群眾: 嘩~~ 真係老模呀?!~~ 好悶喎~~~)
咳咳.... 係呀, 小弟不材, 只有一道板斧 =_='
由於小弟手頭上冇F91的廣東話DVD/VCD, 因此唔知劇中呢隻MS的中文名. 老牌本土巾迷網站G U N D A M 壞腦研究室亦未cover到F91. 於網上search到的中文名是有點娘娘腔的 '達基 · 伊利斯' =>[可能係劇中由女架駛員操作的關係, 不過設定中此MS唔係專用機~~], 為了加強此機之陽剛性, 我暫稱佢做 '大之力士' 吧~~
按小弟砌舊模慣例, 唔理三七廿一先將佢劈開九件至慢慢講!!
當然.... 隨之而來就係勁苦惱點樣將佢拼返埋
.... 亦都係因我太喜愛此劈件過程, 完全唔記得幫佢影低全身相~~ 在此要借用1999.co.jp的相俾大家睇睇佢全相. 查實呢副91年(??)出品身材比例已出得唔錯, 只係有舊模的普遍弱點: 如分件不足, 夾口差等等. 另一方面, 大河原氏在此系列作品的一大特點係全身大量加入排氣口&噴射口, 要復原此等細節將會較花功夫.
一開始先搞佢上身. 由於全隻打算擺 fix pose唔玩可動, 因此全身關節可以省略. 而身體內部亦無需留有空間放關節. 為方便上身製作, 從廢件中找來W高達的不知名機體上身, 略為修改後充當簡單內骨架, 打算修改好外甲後再將其掛上. 今次係我首次試用此'內骨掛甲'方法做舊模修改, 希望有好效果啦.... 初步來睇此做法係較方便修改身型, 當然, 要將外甲掛上及連接又係另一難題~~~
頭部原件係十多年前老模一貫出模方法 - 左右兩大件夾埋~~ 而呢副模型有樣好, 就係有附觀景器透明件. 先將雞冠及帽切開分件, 希望能夠復原設定之中如古羅馬頭盔的模樣. 將面部切出, 方便修改面相, 當中亦要夾埋觀景器大小, 所以仲有唔少功夫要做.
出奇地隻大之力士對大腿有七成似渣古(都係出自大河原氏手筆的關係吧~~
上一篇講到隻1/100 Legend, 原先係想話慳功夫, 利用Legend部件去修改呢隻'大之力士'. 可惜想得太美, 左度右度下發覺較難用上.... 唯有老老實實拿起蝕刻鋸片, 左切右劈將副舊模部件修改修改啦~~~ 暫定工作目標係月中可起到全隻大概外型. 希望到月底再出次進度吧!!
~~
依盒模型...小弟都買咗成十幾年....
回覆刪除但無膽去整....等你去發揮,拭目以待....
[版主回覆06/03/2009 23:05:00]莫講話發揮, 到此地步如果能夠趕得起我都俾個'叻'俾自己
期待
回覆刪除[版主回覆06/04/2009 08:57:00]砌出來真係唔知乜樣呢
咁啱得咁橋我又係整f91的機體。
回覆刪除呢部機我記得叫"戴基· 艾歷斯"，係唔係聽起上嚟MEN番啲呢？
[版主回覆06/04/2009 13:48:00]咦?! 咁鬼o岩o既? 我o地改o野o既口味都差唔多喎.... 唔知zeonic兄係砌CV定係聯邦機體呢? "戴基· 艾歷斯"呢個名幾好, 話時話F91入面CV機體d名都係騎騎呢呢~~~
我哩d 病態改造魔話:唔郁得既模型, 係無靈魂既! 不過波波你又整得正喎, 吹你唔漲添 你想要枝長槍係咪比佢用?
回覆刪除[版主回覆06/04/2009 14:00:00]haha.... 我呢d純愛肉體, 靈魂唔重要啊!! 係呀, 支矛係俾佢用的. 見隻GN-X III街都係賣7草, 復件我又技術不足, 失敗幾次就仲貴過買隻....都係乖乖俾錢算數~~
第一眼睇個標題就諗,你有咁多時間整嗎??? 呢盒老模都好似未見過咁.... 要痴死佢......??我冇聽錯呀化 大腿可以再改長一點,家陣看上來好像不夠原件長 有少少意見,不如將佢心口改大少少及高少少,會覺得強勁一點,還有腳部所有噴咀可以收入一些會好看一點 最後都是要說句 : 加油呀波哥!!!!
回覆刪除[版主回覆06/04/2009 14:10:00]在你o地幾位可動派大弟子面前, 我d三腳貓就不如收埋佢啦~~ 其實, 係我自己主觀意願希望唔整可動可以快手d咁o者.... 又咁o岩你所講o既就係我想做o既喎 .... 因個膝關節會長過原本的, 所以大腿應已夠長了. 最後我都要說句 : 我會加油!! 放心啦!!
只有兩個月，要快馬加鞭了！
回覆刪除[版主回覆06/04/2009 14:12:00]家陣盡量晚晚開功一兩個鐘, 希望趕得切~~
竟然重有人知壞腦教室，計計下成五六年無見過洛韋基利，條友仔唔知風流快活緊乜野。
回覆刪除[版主回覆06/04/2009 14:14:00]網站內真係有好多好料, 希望佢地可以keep住咪執啦.
嘩! 好冷門喎... 加油呀...
回覆刪除[版主回覆06/04/2009 14:15:00]我唔玩冷門的話, 一砌大路o野就乜馬腳都露晒啦
好期待 希望大家一齊趕到
回覆刪除[版主回覆06/04/2009 14:18:00]大家咁話
e盒當年我都有買,是少數唔洗帶"眼鏡"既cv機...
回覆刪除你會上黃,綠,黑或原創色?
[版主回覆06/04/2009 15:43:00]帶"眼鏡"那幾隻個樣有d搞笑 打算係上綠色系.
' 大之力士' 唔係跟我個衰樣呢整嘛~
回覆刪除睇番你嘅製作POST, 我都開始有番啲火, 不過都要月中後(課程完畢)先可以開波, 加油呀波記師兄, 等睇你大作~~
[版主回覆06/04/2009 16:39:00]如用呢個名真係可沾到大力士兄光, 有你隻GN-X一半咁靚都唔錯呀!! 你都玩今年電擊嗎?? 係就快D開工咯!!
無諗過玩電擊呀~ 因為我知道自己未夠班~
回覆刪除係呢, 我記得有一期HJ好似整過你呢隻, 印象中都改得唔錯~
[版主回覆06/05/2009 09:16:00]講未夠班, 我都未夠呀 ~~ 不過都係為o左交件當日一齊吹吹水, 又可近距離觀摩o下各高手大作o者....諗諗佢啦!! HJ出過? 如果搵到來抄考o下就好了 .
今次係首次用聯邦機體參賽，仲係高達添，是用F91-MSV嘅散件砌出來，希望趕得切啦！
回覆刪除[版主回覆06/05/2009 09:28:00]好o野!! 多個F91戰友 . 唔怪得你近排咁靜啦, 原來閉門造巾 一齊努力吧!!!
波哥加油呀！期待大作
回覆刪除[版主回覆06/05/2009 09:41:00]一定會努力!!
原來係佢.... 波哥都係中意劏舊模..... 加油呀...今年要擺個最型既 pose~~~
回覆刪除[版主回覆06/05/2009 09:43:00]呢隻夠晒冷門嘞o卦 "最型既 pose"<= 我都度緊呢....
終於搵到, 係HJ 2006年9月號
回覆刪除波哥笑納
[版主回覆06/05/2009 23:23:00]嘩!! 要麻煩你真係唔好意思啊!! THX!!
傻啦, 呢團火係薪火相傳嘛~~
回覆刪除[版主回覆06/06/2009 09:45:00]薪火相傳?! 呢排好常聽喎~~ 全靠你, 我團火燒得好旺呢!!
隻野個比例本身已經吾錯，要趕時間，哩隻真係明智之選！
回覆刪除[版主回覆06/06/2009 09:47:00]我都係咁想, 不過佢已慘遭毒手, 支離破碎~~~ 要花時間拼返埋佢呢
有否想過配色的問題哦？
回覆刪除如果用設定色，在場館的燈光下一定不起眼，加上其體積不大．．．一定要想想如何可在上色上取得平衡．
[版主回覆06/07/2009 18:12:00]經你一提, 我就有d擔心原本隻綠色的效果.... 可能要用隻鮮綠色. 好多謝ky兄提點呢!!
嘩,趕唔趕得切呢~~~?
回覆刪除[版主回覆06/08/2009 13:41:00]趕緊嘞~~ 我都驚趕唔切呀!!
整舊石頭扮隕石, 再用佢扮sniper?
回覆刪除[版主回覆06/08/2009 13:46:00]個pose 我都有諗到, 不過賣個關子先.... hehe.... (查實係睇以我技術做唔做到先~~ )
夠時間無！支離破碎再碰合又要打磨，分件噴油，努力睇你台戲囉 ！
回覆刪除[版主回覆06/08/2009 21:29:00]我都驚緊呀~~
好趕下，真係要踏行油
回覆刪除[版主回覆06/09/2009 13:24:00]起初都好快手下, 不過呢幾日又慢o左落蒞~~ 要快手d至得....
加油~~~
回覆刪除[版主回覆06/09/2009 13:27:00]thx!! Ken兄d畫好靚啊 得閒要來指教指教.
加油呀波波師兄!!!!
回覆刪除[版主回覆06/11/2009 23:21:00]多謝你打氣呀!
唔知會唔會有update睇呢? 定係要等到電擊先開估呢?
回覆刪除[版主回覆06/15/2009 20:59:00]大哥你叫到, 冇進度都要up一up啦
波記，睇進度似乎幾趕喎，不過記住唔好為趕出賽而趕起佢呀！咁就兩面都唔到岸架啦！
回覆刪除[版主回覆06/19/2009 09:14:00]唔緊要啦, 我都係志在參與, 對佢冇咩期望~~~ 當佢係交件日入場劵算啦!!
得個身o岩駛乍
回覆刪除