XM-06 Dahgi Iris-製作中03@電擊09

今個月開始加入了Model Arena工作室, 模型生活上開展新的旅程. 以後再唔係一支公靜雞雞在家中砌模型, 而係可以跟一班同好觀摩研究學習, 實在係一大快事!! (說到底, 只係多了個地方可以繼續建造'歎息的牆'&搞到四圍'污厘單刀'都唔驚人鬧吧~~~)

既然如此, 就唔好浪費個workshop會籍, 搞搞平時在屋企冇地方&太濃化學品味唔方便玩的東東-- 就係試玩矽膠複模!!
(矽膠複模做法可參考YA大的複製戰紀內詳盡教學)
今次要複的對象係'馬沙之反擊'中的積根 (Jegan) 胸像盒蛋.

(圖片來源: http://underson.cool.ne.jp/mia.html#omake)

過去一個多星期上了ws幾次, 做了一個雙面模及兩個單面模. 在此要先多謝小TomTom兄, 好在第一天開模當日剛巧遇到佢在ws, 在佢提點之下棄用雙面模而以兩個單面模複積根頭部主體, 從而複出細節及減少件氣泡. 昨晚再倒埋AB水, 成品如下 (因冇帶相機去ws, 煩請大家忍耐小弟老殘手機影的低像素相吧~~):

頭部主件以兩個單面模複出. 最右的件係頭部左側機槍組件, 亦係以單面模製作.

雙面模製作其他如下巴, 額頭等主要部件, 至於胸部其他次要部件因用唔著就省略無做. 我呢位初哥果然係漏了招~~~ 製作雙面模時唔記得壓出定位柱..... 但好在模具於注AB水時冇移位發生. 複出來的件效果我自己俾80分!!

各位睇至此實問:"你隻大之力士呢?! 做咩咁不務正業去複個積根頭??" 其實今次造呢個積根頭都係用在大之力士project內的. 佢會以殘骸形式出現, 所以呢..... 就算複得差都冇所謂吧.... 至於隻大之力士, 佢仍然係在支解狀態下悲嗚中~~
再加上, 小弟七月份將會係出乎自己意料地忙, 今次電擊作會再添危機!!!!

XM-06 Dahgi Iris-製作中02@電擊09

呢個就係去到昨日(14-Jun-09)為止o既進度:- 散件一堆....
頭, 胸, 腰, 兩條大腿&小腿搞緊,
兩對手, 背包, 武器未郁過~~

趕工中, 家陣就去埋位!! 大家祝福我吧....

XM-06 Dahgi Iris-製作中01@電擊09

為了參加09電擊, 在不可能成功的plan A泡湯下, 急忙找來plan B進行, 結果就係以下產物:- F91故事中Crossbone Vanguard (港譯: 死亡先鋒) 的指揮官用偵察型MS

XM-06 Dahgi Iris.

(群眾: 嘩~~ 真係老模呀?!~~ 好悶喎~~~)
咳咳.... 係呀, 小弟不材, 只有一道板斧 =_='

由於小弟手頭上冇F91的廣東話DVD/VCD, 因此唔知劇中呢隻MS的中文名. 老牌本土巾迷網站G U N D A M 壞腦研究室亦未cover到F91. 於網上search到的中文名是有點娘娘腔的 '達基 · 伊利斯' =>[可能係劇中由女架駛員操作的關係, 不過設定中此MS唔係專用機~~], 為了加強此機之陽剛性, 我暫稱佢做 '大之力士' 吧~~

按小弟砌舊模慣例, 唔理三七廿一先將佢劈開九件至慢慢講!!
當然.... 隨之而來就係勁苦惱點樣將佢拼返埋.... 亦都係因我太喜愛此劈件過程, 完全唔記得幫佢影低全身相~~ 在此要借用1999.co.jp的相俾大家睇睇佢全相. 查實呢副91年(??)出品身材比例已出得唔錯, 只係有舊模的普遍弱點: 如分件不足, 夾口差等等. 另一方面, 大河原氏在此系列作品的一大特點係全身大量加入排氣口&噴射口, 要復原此等細節將會較花功夫.

一開始先搞佢上身.  由於全隻打算擺 fix pose唔玩可動, 因此全身關節可以省略. 而身體內部亦無需留有空間放關節. 為方便上身製作, 從廢件中找來W高達的不知名機體上身, 略為修改後充當簡單內骨架, 打算修改好外甲後再將其掛上. 今次係我首次試用此'內骨掛甲'方法做舊模修改, 希望有好效果啦.... 初步來睇此做法係較方便修改身型, 當然, 要將外甲掛上及連接又係另一難題~~~

頭部原件係十多年前老模一貫出模方法 - 左右兩大件夾埋~~ 而呢副模型有樣好, 就係有附觀景器透明件. 先將雞冠及帽切開分件, 希望能夠復原設定之中如古羅馬頭盔的模樣. 將面部切出, 方便修改面相, 當中亦要夾埋觀景器大小, 所以仲有唔少功夫要做.

出奇地隻大之力士對大腿有七成似渣古(都係出自大河原氏手筆的關係吧~~), 可將渣古大腿延長2mm代替, 慳返重造關節功夫.

上一篇講到隻1/100 Legend, 原先係想話慳功夫, 利用Legend部件去修改呢隻'大之力士'. 可惜想得太美, 左度右度下發覺較難用上.... 唯有老老實實拿起蝕刻鋸片, 左切右劈將副舊模部件修改修改啦~~~ 暫定工作目標係月中可起到全隻大概外型. 希望到月底再出次進度吧!!~~