雖則小弟已盡量每晚砌上一兩個鐘,
但係進度仍然慢得可憐~~
唯有強行更新一下, 等各團友知我並無"潛水".
原先想就咁將隻MSV o既小腿簡單地拼上吉姆隻小腿度,
無奈我點cut點磨搞o左大輪個腳瓜都係頂住外甲,
只好幫佢造番條腳骨.
小腿裝甲就顯得過短, 照樣裝上去會好似著o左"吊腳褲"一般!!
長高o左, 唯有改長條褲....
週不時都見各位同好會素組多一隻拼埋自己隻作品度一齊影相,
我諗住只係扮o下模型雜誌相咁解....
但係實則係幾有用o架,
今次小弟就o拍多隻吉用來度高&度腿長,
咁就唔驚改出來隻吉太高或太矮了.
用膠片膠板延長小腿再上原子灰.
我未試過用咁大面積o既原子灰, 仲要塑出個小腿外形,
今次真係有排磨有排雕~~~
唔知聽日or 後日打唔打得成風呢?? 係就多日砌模型了!!
呢個大型手術，真係要大國手先能夠做到！
回覆刪除BALL- KEI你係得既！
[版主回覆09/23/2008 15:31:00]kent兄太高估小弟了.... 隻腳瓜個線條太簡單, 我反而覺得好難搞喎~~~ 又有孤位又有角. 仲要兩邊對稱. 呢次真係自覺功力不足.
個風好似今晚打，可能會砌少日模型。。。
回覆刪除[版主回覆09/23/2008 15:23:00]呢個風真係幫唔到手~~~
這樣改長的方法好正＠＿＠！夠哂方便同快！～
回覆刪除抄下先！
[版主回覆09/23/2008 18:03:00]小腿外甲都係傳統叠膠片/膠條増高改法o者, 係我冇影到加o左膠條後幅相.
學校話就打風,
回覆刪除今日唔洗留堂
[版主回覆09/23/2008 18:04:00]公司都提早俾我o地走, 我已安坐家中了
嘩! 真係大工程... 磨餐死...
回覆刪除[版主回覆09/24/2008 09:04:00]係呀!! 磨到四圍都係灰..... 真係冇咩心機搞.
要平衡番大腿的長度, 之後又要加長條腰.
回覆刪除最後你會發現雙手又要加長 .
最終會變左1/120啦
[版主回覆09/24/2008 09:14:00]咦?! 你o既講法咁似做室內設計o既? "整得個櫥房不如整埋個廳, 整得個廳不如整埋個睡房..." 結果小裝變o左做大裝!!
遲d你就知
回覆刪除[版主回覆09/24/2008 15:52:00]邪靈退散!! 邪靈退散!!
嘩! 真係有排攪喎~
回覆刪除[版主回覆09/24/2008 15:55:00]係囉, 仲想話快速ko佢o添~~~
咁補法真係有排執 ,仲有大腿會唔會加長少少,咁睇落好似短左少少
回覆刪除[版主回覆09/24/2008 15:58:00]大腿唔會加長了, 如果唔係就俾KY兄講中晒.... 今次砌呢隻要 keep住"可以唔改o既就唔改".
其實原子灰好好磨，唔係好難，加油！
回覆刪除潛水員上
[版主回覆09/24/2008 21:21:00]多謝你為我打氣 氧氣用完前好浮返上來嘞, 潛水員
我都唔好你幾多，呢兩日先抽時間更新，進度都係嘛嘛 ~~
回覆刪除[版主回覆09/25/2008 09:25:00]高達迷兄你要响公司搵時間砌o野, 比小弟"艱辛"幾倍啦~~~ 慢都唔緊要呀, 十卜你呀!!
我對你真係有好大期望架﹗﹗
回覆刪除但你起得邊隻……隻隻都咁有心機﹗
[版主回覆09/25/2008 09:27:00]呢隻諗住係"輕鬆"完成算嘞, 唔會攪咩新意思, 務求到時有貨交就得啦!
Ball_kei 兄咁叫 "輕鬆" 製作.........
回覆刪除以你風格,一定仲有排搞......不過真係想睇你點整......努力呀......
[版主回覆09/25/2008 20:44:00]江師奶兄, 真係知我者莫若你了.... 看來都係仲有排搞. "輕鬆"者, 係我製作o既心態吧.
小弟一定要學習ball_kei兄既技術
回覆刪除笑笑團一定要指點下小弟^^
[版主回覆09/26/2008 13:48:00]我呢d真係唔算咩技術, 只係亂打亂撞鋸開至算, 好多時都係唔知點收科.... 指點就講唔上....笑笑團見面時一於大家吹吹水!!
鋸腳鋸到咁 '行' , 好期待睇到完成品.....
回覆刪除[版主回覆09/26/2008 13:50:00]我不嬲都係"衝動派"弟子, 鋸開佢至算!!
利害
回覆刪除我只有看的份兒
[版主回覆09/26/2008 13:55:00]我係自年少時已經鍾意將d模型砌開佢幾件來玩..... 講真, 有時簡單完成一件模型都係樂趣來的.
對腳真係要拉長先好睇，努力吧老友！
回覆刪除[版主回覆10/01/2008 19:00:00]我睇實物ok喎, 可能係相機macro扭曲o左o既關係啦.....
勁wo~ 攪隻腳都咁大工程...加油
回覆刪除[版主回覆10/05/2008 22:13:00]都係雕蟲小技, 亞茂整餅.... 呢d高手一日做起o既o野, 我要幾個星期至做得起.