交待o下"笑笑團"進度先.
早幾日假期開始為主體上色(又要在厠所開壇噴油了....)
原先係想簡單上色就算, 點知都係忍唔住手痕走去搞"迷彩"
先上深啡.
再用噴油膠紙簡簡單單造d直線花紋,
再上沙黃主色.
今次都好偷懶, 諗住個底色夠深所以冇上暗影,
只係主色+上高光就算.
加上可能係太輕手, 結果出來個色好plain, 整體層次感不足
.真係要睇睇如何搞搞佢.....
以下o既就係目前成果, 有點"怪雞"的迷彩:-
如大家有留意的話, 會發覺個背包&支大炮都未見影,
皆因仲未有"靈感"點整, 放埋一邊冇搞到~~
星期六"笑笑團"可能就要無奈地由呢隻"冇炮o既炮渣"半成品參加了!!
不過, 呢幾日我都仍會再努力增加佢o既完成度
大家加油呀!!!
期待呀！
回覆刪除[版主回覆05/07/2008 09:10:00]嘩~~ 千影兄做乜咁夜唔(目訓)? (定係咁早起身?~~)
開始成形....加油....
回覆刪除[版主回覆05/08/2008 11:10:00]真係要"加"速噴"油"呀...
努力呀! 等睇你既完成品!
回覆刪除[版主回覆05/08/2008 11:11:00]收到!! thx!!
加多隻色會唔會好Ｄ？我隻都可能無武器見人，立即去噴油先！加油！！
回覆刪除[版主回覆05/08/2008 11:14:00]如蟹sir咁講, 睇o下滲線、wash埋會唔會好d.... 唔會加多隻色了~~ 要講lazy, 我都唔會差你好遠啊~~
滲埋線、再wash埋就唔怪了。
回覆刪除不過如lazy king咁話，加多隻色可能會冇咁plain。
[版主回覆05/08/2008 11:15:00]滲線中, 好似比較ok了.
想睇埋個背包同埋支大炮喎! 加油...奸爸爹...
回覆刪除[版主回覆05/08/2008 11:18:00]呢樣真係有d難度.... 呢幾晚睇睇進度如何先~~
無炮的炮渣？
回覆刪除靈感呢家野，無法啦，希望你快d搵到靈感啦！
[版主回覆05/08/2008 11:19:00]係呀, 我仲係唔知跟原設, 定係用較軍事感o既設定.....
俊俏的渣！！好想睇實物！！
回覆刪除[版主回覆05/08/2008 11:22:00]星期六見啦!!
wash下應該好d
回覆刪除所以我最怕趕，為趕而趕好易出事
[版主回覆05/08/2008 11:21:00]家陣我已經放棄趕工, 到時有幾多就show幾多囉....
這種未有武器的半完成模型，個人美其名稱之為「善人版」
回覆刪除[版主回覆05/10/2008 11:45:00]我會稱其作者為「嘆慢版」
嘩!! 進入最後階段了!
回覆刪除[版主回覆05/10/2008 11:46:00]未呀, 其實除背包外, 好多細部都未搞!! 今日見倒你就知了....
wash完後, 如果唔夠立體感 , 可再加甩青 , &(濾鏡)效果 , 包你話掂 .
回覆刪除[版主回覆05/10/2008 11:49:00]都試緊用白電油wash, 都會加甩青. 濾鏡就未識點玩~~ 砌模型呢家o野, 真係有排學....
十分期待
回覆刪除[版主回覆05/12/2008 13:00:00]10/5笑笑團都有帶隻半成品去, 休兩日再開工!!