渣古大炮-製作中_08 暨 BLOG友笑笑團

呢幾日見大家都來07年結, 好不熱鬧!!
小弟07年只係得隻144 特吉砌得起,
都係無謂獻醜.... 不如post個進度啦.

剛過去o既聖誕假期間已經密密手砌,
但都係冇咩大進展~~~
睇唔見o既係搞o左d關節位,
睇得見o既就係背包左右拮o左兩個長方體.
(支炮只係從舊渣借來映映相, 實物就仲係企劃中....)

呢兩個長方體就係原設中o既飛彈匣.
原件可能係個模使用經年, 表面凹凹凸凸, 真係睇見都眼冤!!
索性自製好過....
仲有就係原件冇乜可動性, 咩pose都擺唔倒.

「飛彈齊射!!」~~

為o左擺上面個pose, 加o左對機械臂連接住個背包.
(搞到有d 暴風高達feel ~~~)

背包分件. 機械臂關節係壽屋補品, 炮管係銅管.

暫時係咁多交o下差先~~~
寫呢篇blog時已踏入了2008
祝各位『今年好過舊年,
      模型成品砌多兩件』!!