過去兩週因工作較忙晚晚OT的關係,
放工返屋企都好少埋工作檯....
進度係零咁滯, 所以只好來個 "製作中_07.1",
post 翻11Aug 版聚的半成品相來充撐o下場面~~
呢幾幅相仲要唔係我自己影的,
因現場件件佳作, 掛住影別人的作品, 自己的竟漏了招!!
(借用了谷友"生番"兄的相~thx~)
大抵上隻吉外形就係咁樣的了.
上色尚未完成 & 仲差滲線舊化及加上細部件等等,
功夫實在還差不少~~
在噴油方面因我實在係經驗不足(至今只有3隻成品而已),
發覺有些少疑問
我跟著上色應由"淺至深"這慣例,
隻吉o既裝甲內部未上色(預備噴中灰色)就開始噴淺綠主色.
現在輪到噴裝甲內部時就又要做一大輪masking,
攪到我十分納悶~~
(之前噴迷彩已mask了大輪~~)
掉轉上色就一定唔駛咁多masking工作了.
唔知各位o既上色次序又係點, 可否分享o下呢??
我亦帶了隻水渣去版聚, 大家對佢的評價亦十分正面.
現在我自己對這隻渣的感覺有點像"老戰友"般,
可能是大家都係透過佢開始認識小弟吧~~~
但Masking外圍比較內圍容易處理，只是可能範圍會較大，膠紙用多d，其實部份膠紙可(翻用)。 加多少許detail位，會使舊化後更有立體感，與舊化效果有相輔相成的作用。
回覆刪除我黎襯下熱鬧先.我自已無一個特定次序,因唔同既摸型而定,亦無話由"淺至深"咁噴,如要mask,會以mask得少同方便前提.以內裝甲黎講,我會噴咗中灰先,然後mask咗佢,再噴外裝甲色,因內甲通常是凹下的,如果噴外甲先,你就唔只要mask外甲表面,仲要mask埋內甲凹下的四面內壁(假設凹下的是四方形),諗下都覺得煩.以上係我用於MS既方法,都係果句,唔同摸型有唔同做法. (愚見,見笑啦)
回覆刪除回Lazy King, KY: 咦?! 乜兩位咁早o既? 先多謝兩位的指教!! 看來"經驗"真係只有多做才可積累, 沒有捷徑吧....
回覆刪除我會先噴內甲位（如真的要噴的話），不用masking，因為如噴出界咪當主色的陰影打底囉。但這只適用於冇凹下的甲位，如大魔或古古的腳甲位。 你隻水渣真係正﹗
回覆刪除「由淺至深」的慣例是指同一件零件上同一個位置的上色做法，例如迷彩。所以我也是先噴內架的機械色才做外面的裝甲，有點是「由內至外」的做法。尤其是用噴槍的話，淺色要蓋過深底色跟本沒有大問題。 你估中秋會否完工呢？
回覆刪除多謝兩位分享經驗!! 回crabchiu: 係隻FG渣個外型出得正就真. 回dilaton: 隻吉已復工了, 中秋砌起一定冇走雞!!
回覆刪除有機會展示作品,又可以互相觀摩,這樣活動值得鼓勵 !
回覆刪除回Godzilla: 係呀, 今次都係我第二次參加. 成班模友傾o下講o下分享心得, 真係有o野學有o野玩o架!!
回覆刪除點樣可以參加 ?
回覆刪除係版主每年舉辦一次, 帶件模& $30 去就okay. 講開又講, o黎緊個星期日(09-Sep)都有個 " 香港模型聯盟板聚" 喎~~ 呢個仲係大型好多o添, 不過我自己就未參加過...
回覆刪除我都次次都去一下, 已經錯過2屆了, 不過現在仲未整作品喔!!
回覆刪除Did you buy keroro??? 訂閱me...
回覆刪除回Bod Bod, Keroro有買呀, 不過係小女砌的... 介紹你Lazy King兄有隻 Keroro Robo 是也 =_=;; 砌得好靚o架!!
回覆刪除