HG 特吉-製作中_05

又成個月冇post, 都係時候"爛魚充數"交o下差先

....

早排有日路經北角, 就乘機走去搵一間聞名已久o既模型小店--
T-Hobby
原因係好多同好在newsgroup問: "請問邊度有xx賣?",
常常就有老手教佢去呢間鋪搵搵, 尤其係d 改造用小parts.

對於我呢個唔多熟路o既"九龍人"來講, 此店查實都幾易找.
在炮台山MTR出站沿英皇道向北角方向走,
就可搵倒呢間"新時代廣場".

入商場門口乘扶手電梯上一層就可以見倒 T-Hobby

店子都唔算大.... 但小至模型油, 大至噴泵, cast都有得賣.

其中最吸引我o既係作品展示/寄賣櫃,
及貨架上掛滿一小袋, 一小袋o既改造用parts & 工具.
為了實際支持有heart 小店, 就掃了以下items:-
1) 刻線模板
2) 刻線針 (呵呵....因我隻gm 正進行刻線工序呢~~

)
3) 小型磁石
4) 微型縲絲

工具齊備後,
鴻心壯志o既我當然想快速完成刻線呢個惱人o既工序!!
但實情係時間都花在"諗"點刻 & 修正雕錯線之上....

有時雕到眼倦, 就走o左去攪第二d o野去了, e.g. 上網睇o下blog
家陣線就差不多雕起, 另用膠片/薄鋁片加點details,
主體洗件後就可噴底灰了.

頭部特寫 -- 慣例用幼銅管再造機槍口.

手肘關節雖前後加o左膠片, 但可動性冇太大影響.

因下週小弟會到東京旅行, 隻gm 要月中至再開工了~~
希望趕得切8月o既板聚啦!!!

講開下週東京之旅, 係小弟幾十歲人首趟!! (真係有點慚愧

)
plan行程時至發現原來我想去o既"朝聖地"冇晒!!!

1. bandai museum搬o左去冇雷公咁遠, 仲據聞係冇咩睇的....
2. 富士急個"gundam the ride"今年頭摺o左,
新o既"gundam crisis"要到7月21日至開, 真正緣慳一面啊!!!
http://www.fujikyu.co.jp/fuji-q/information/new/index.html

除o左我可以去秋葉原逛o下模型鋪外,
請問大家仲有咩好介紹??