HG 特吉-製作中_02

復活假期攪了幾日至大致造出個膊頭外形, 手腳好慢呢....
要大改o既部位仲差對手臂&面相.

同場加映:

土炮復件實驗慘痛失敗記!!

早前見同好們用十蚊店"自由樹脂"復件幾好玩, 就走去買來試試.
點知傻o下傻o下買錯o左差唔多樣o既"自由擦字膠"(個名我改o既),仲買o左兩包!!

呢隻係好似泥膠咁o野, 可任由搓出外形,
再放入滾水中加熱定形成為"DIY擦字膠".
(至於真正o既"自由樹脂"則一直到現在亦未能入手~~)
我見呢隻o野都有可能用來做模玩復件, 就膽粗粗試o下.
我揀o左鎮暴吉支槍來試(事後想應該先選d廢件來試~~).
已將原件(槍的右邊)塗上"凡氏林"至壓入膠泥,
但係就仍然唔多易離模,
就索性"模+原件"放入熱水中滾o下讓個模定形....
(當時夜深, 頭腦唔多清醒)
咁就出事了~~~

原件炒晒魷魚, 冇得救了!!

(圖一)"自由擦字膠"模 & 炒魷魚原件

製出來個模都算勉強可用,
唯有試o下用"原子灰"來再造番件右槍身出來,
再拼落原本o既"左槍身"度.
唉~~件原子灰槍身真係麻麻地, "岩岩蠶蠶", 有排執~~~

如果真係攪唔掂的話, 隻gm到時唯有改持短槍.

(圖二) "原子灰"復件拼合左槍身後, 是一個"惡夢"呢~~

後來我又走去買o左支雙星"光硬化畢地"再試o下復件(如圖),
放在太陽下晒了一個下午,
出來o既件幾ok咁(我都仲未試過打磨呢隻畢地),
不過個"擦膠模"就因黏力太強損壞了....
以上, 亦係因為攪o左咁多事/咁多o野, 隻gm進度大大減慢了~~~

 (圖三,四) 用光硬化畢地倒入模內,
用透明膠片(圖中是CD-ROM透明片)壓走多餘畢地,
太陽下晒半天後取出復件.