朋友所托

阻阻大家~~ 朋友搬屋家中存貨冇得留低. 有Gunpla, SD, 車, AFV.
有興趣請去Yahoo拍賣: derfuhrer1945 睇睇, thx!!

XM-06 Dahgi Iris-製作中04@電擊2010

噢!!!~~ 我終於要投降!! 老實承認今年電擊趕唔徹......

作品仍處於散件階段, 有的部位未搭起, 其他的卻仍處於打磨刻線階段~~ 自己time-management一向好差, 今次又是一例. 回想係自己磋跎一輪至五月尾六月初至定案開工, 加上多年未回港探望我家人的家姐提早於七月初返港, 幾個假日皆要陪佢地去玩, 早就注定係趕唔徹完成了. 當然最重要一點係自己老毛病發作改到停唔到手啦!!.... 不過始終都係唔想匆忙砌隻自己唔滿意o既作品出來.

雖然此作趕唔及電擊, 但我仍會加緊搭起佢, 就留待下年電擊再出戰吧!!(因而此篇blog標題都改為"電擊2010") 所以, 我仍會keep住砌佢, 唔會俾佢停!!
其他戰友, 趕緊衝線吧!! 小弟太肥太懶追不上來了~~ 祝各位好運.

今次電擊作雖再一次殘念, 但自己製作上都有新嘗試及得著, 經驗係總冇白費的. 要再一次多謝小tom tom兄倒模技巧指導, tempo兄出讓Legend俾小弟(會係201X電擊出現吧~~), 地理堂兄&風影山兄的上色建議, 及各blog友俾小弟的意見, 可惜....今次要各位失望....

今次製作過程相片影得比較少, 製作技巧亦大部分已在前作出現過, 並無太多特別之處, 在此就讓我稍稍略過吧....

七‧一

自己一向都好少寫模型以外之事.
今日同老婆&個女行完七‧一遊行,
剛睇完CCTVB個晚間新聞, 政府居然照舊搬出:

2017年實行普選行政長官
2020年實行立法會普選

來回應市民民主訴求, 我想問句: "你冇o野下話!!?"

都難怪.... "人肉錄音機"都獲頒金紫荊啦~~

(上面照片來自遊行路線見到的poster,
有興趣朋友要留意一下軒尼詩道上郵箱的背面, 不過應該會好快被撕走....)